අද උදෑසන එජාපයේ බස්නාහිර පළාත් ප්‍රබල අමාත්‍යවරයෙන් අමතා ඇති ජනාධිපතිවරයා එජාපය සතුව බහුතරයක් තිබේ නම් රනිල් වික්‍රමසිංහ හැර වෙනත් අයෙකු අගමැතිවරයා ලෙස පිළිගැනිමට තමන්ට හැකි බව දන්වා ඇත. එජාපයේ ජයග්‍රහණය මේ වන විට ස්ථිර බව ඇමැතිවරයා පෙන්වා දි තිබෙන අතර ඒ අනුව අගමැතිවරයා ලෙස රනිල් වික්‍රමසිංහ හැර වෙන අයකු ඉදිරිපත් කිරීමේ අවශ්‍යතාවයක් නැති බව අවධාරණය කර තිබේ,
එහෙත් ජනාධිපතිවරයා තමන් අසරණ භාවයට පත්ව අැති බවත් මෙය වින් ටු වින් ක්‍රමයට දෙපැත්තටම සාධාරණ ලෙස විසඳා ගැනීමට හැකි බව පවසා ඇත. රනිල් වික්‍රමසිංහ අගමැති ලෙස යළි පිළිගැනිමට සිදු වුවහොත් එය තමන්ගේ දේශපාලන ජීවිතයේ විශාලම පරාජය වන බවත් තව දුරටත් ජනාධිපතිධුරයේ රැඳි සිටීමට නොහැකි වනු ඇති බවත් පවසා තිබේ. මේ නිසා රනිල් වෙනුවට වෙන ඕනෑම මන්ත්‍රීවරයකු ඉදිරිපත් කරන ලෙස අයැද තිබේ.
ඇමැතිවරයා මේ බව රනිල් වික්‍රමසිංහට දැනුම් දී පිළිතුරක් දිය හැකි බවට එකගවී තිබේ.
