Haydn ගේ මෙම නිර්මාණ වාග්නාද සංගීත ප්‍රභේදයට අයිති ලොව පුරා ප්‍රකට සංගීත නිර්මාණයකි. Haydns Creation නමින් එළැඹෙන 12 වැනිදා ප.ව.03.00ට එංගලන්තයේ Portsmouth හිදි ශාන්ත මරියා දෙව් මැදුරේදී Harant symphony orchestra නමින් යුත් සංධ්වනි වාද්‍ය වෘන්දයේ සංගීත සහය සමඟ ප්‍රසංගය පැවැත්වීමට නියමිතය. Creation හෙවත් උත්පත්ති ලෙස හැඳීන්වෙන මේ නිර්මාණය ඔස්ටියෙන් සංගීතයේ පුරෝගාමී සංගීතඥයෙකු ලෙස සැලකෙන Joseph Haydn ගේ නිර්මාණයකි. ශ්‍රී ලාංකික අන්තර්ජාතික සම්මානිත සංගීත වේදිනියක ලෙස ගයත්‍රි කේමදාස හට මේ අවස්ථාව ලබාදීමෙන් ඇය ලෝක සම්භාව්‍ය සංගීතකාමීන්ගේ අවධානය දිනා ගැනීමට සමත් වන්නීය.

ඇය වැඩිදුරටත් පැවසුවේ,
''ලංකාවේ වාසය කරන මා වැනි පුද්ගලයෙකුට මෙවැනි ආරාධනයක් කිරීම ඇත්තටම මට විතරක් නෙවෙයි ලංකාවටම සුවිශේෂයි. ඈන් හන්ටර් ලියපු කවිය සංගීතවත් කරන්න තමයි මට මේ ආරාධනාව ලැබුණේ එංගලන්තයේ Portsmouth විශ්වවිද්‍යාලයෙන්. මම කරපු සංගිතයේ වෙනසක් නිසා මෙම නිර්මාණයට මාව දායක කරගත්තා වෙන්න පුලුවන් කියල මම හිතනවා. මට මේ වෙනස කියලා දුන්නේ තාත්තා. මේ අවස්ථාවේ දී මම ඉගන ගත්ත දෙයක් තියෙනම් ඒ මගේ තාත්තා නිසා. මම මේ අවස්ථාවේ ඔහුට ස්තුති වන්න වෙනවා.''