සිරිසේනගේ මේ කුමන්ත්‍රණයට බැසිල් රාජපක්ෂ මුල සිටම විරෝධය දැක්වූ අතර , පස්ස දොරෙන් ගන්නා අගමැතිකම් වලින් වැඩක් නැති බවත් පවසා තිබිණි. ජනමතයක් නොමැතිව කුමන්ත්‍රණකාරීව පිහිටුවන ආණ්ඩුවකට පාක්ෂිකයන්ගෙන් හෝ කැමැත්තක් නැති බව ඔහු පෙන්වා දී තිබිණි.
කෙසේ නමුත් ගොඨා හෝ බැසිල් බලාපොරොත්තු වූ කිසිදු ප්‍රතිපලයක් නොලැබුණු අතර නීතියේ යහපාලනයත් පාර්ලිමේන්තු ප්‍රජාතන්ත්‍රවාදය තහවුරු වී රනිල් වික්‍රමසිංහගේ අගමැතිධුරය පිළිගැනිමට ලක්විය.
මේ තත්වය රාජපක්ෂවරු ලැබූ බරපතල පරාජයකි. එය පාර්ලිමේතුව තුල ලැබූ පරාජයකට වඩා රටේ ජනතාව ඉදිරියේ ලැබූ බරපතල පරාජයක් බව පැහැදිලිය. බල පෙරේත කමට කුමන්ත්‍රණයකර ආණ්ඩුවක් පිහිටුවීමට රාජපක්ෂලා කටයුතු කළ බව දැන් ඉතිහාස ගත සත්‍ය කාරණයක් ව තිබේ. එය යළි වෙනස් කළ නොහැක.
