රු.මි. 450 ක් වැයකර ලෝකයේ පළමු වතාවට කන්ටේනර් පර්යන්තයක් ඇතුලේ ගබඩාවක් !
ලෝකයේ පළමු වතාවට කන්ටේනර් පර්යන්තයක් ඇතුළත ගබඩාවක් ඉදිකොට ශ්රී ලංකා වරාය අධිකාරියේ කාර්යක්ෂමතාවය බාල්දු කිරීමට විෂයබාර ඇමතිවරයා වන නිමල් සිරිපාල ද සිල්වා සහ නාවික කර්මාන්තය ගැන මෙලොව හසරක් නොදන්නා එහි වත්මන් සභාපති ලෙස කටයුතු කරන කීත් බර්නාඩ් නමැති අයෙකු කටයුතු කොට ඇති බව වරායේ වෘත්තීය සමිති චෝදනා කරති.
මෙම ගබඩා සංකීර්ණය ඉදිකිරීම සඳහා භාණ්ඩ හා උපකරණ වලට පමණක් වියදම් කොට ඇති මුදල රුපියල් මිලියන 450 ක් (උත්සව සභාවේදී එය මිලියන 400ක් පමණක් කියන ලෙස උපදෙස් දී ඇත.) වන අතර ශ්රම වියදම් ඇතුළු අනෙකුත් වියදම් සියල්ල සමග මිලියන නවසීයක් පමණක් වියදම් වී ඇති බව වාර්තා වේ.
මහල් හතරකින් සමන්විත මෙම ගොඩනැගිල්ලේ ඉහල මහලේ පමණක් වැසිකිලි පහසුකම් ඇති අතර ඒ සඳහා ගමන් කළ හැක්කේ තරප්පු පෙලකින් පමණි.
වරායේ ඉංජිනේරුවන් විසින් ඇමතිවරයා, සභාපතිවරයා ඇතුළු පිරිසකගේ මනදොල පිනවීම සඳහා මෙම අපරාධය සිදුකළ බවට චෝදනා නැගෙයි.
මෙම ගොඩනැගිල්ල විවෘත කිරීම වරාය කටයුතු අමාත්ය නිමල් සිරිපාල ද සිල්වා ගේ පසුගියදා සිදුකෙරුණ අතර එහිදී උත්සව සභාව ඇමතු වරායේ ප්රකට වෘත්තීය සමිති නායකයකු වන ශ්යාමාල් සුමනරත්න මෙම අක්රමිකතාවය සම්බන්ධයෙන් මෙසේ අදහස් දැක්විය.
අදාල වීඩියෝව පහතින්...
අදානිගේ උපදේශකයෙක් හරහා වරාය අධ්යක්ෂ මණ්ඩලයට උපදෙස් !
මේ අතර මීට දින කිහිපයකට පෙර වරාය අධිකාරියේ කළමනාකාර අධ්යක්ෂක වරයෙකු ලෙස සේවය කළ ප්රේමචන්ද්ර නමැත්තකු අධ්යක්ෂ මණ්ඩලය වෙත කැඳවා නැගෙනහිර පර්යන්තයට ලබා ගත යුතු යන්ත්ර සූත්ර ගැන උපදෙස් ලබා ගැනීමට කටයුතු කර ඇත. සභාපති වරයා විසින් මෙලෙස ඔහුව රැගෙන එමින්, පර්යන්තයේ මෙහෙයුම් සඳහා ඉතා අඩු කාර්යක්ෂමතාවෙන් යුතු උපකරණ මිලදී ගැනීම සුදුසු බව යෝජනා කරගෙන ඇති නමුත් ඊට සභාගී වී සිටි වත්මන් කළමනාකාර අධ්යක්ෂ සහ මෙහෙයුම්බාර අධ්යක්ෂ ඇතුළු නිළධාරීන් බොහෝමයක් ඊට තරයේ විරුද්ධ වී ඇත.
එහෙත් විෂය ගැන කිසිඳු දැනුමක් නැති වත්මන් වරාය සභාපතිවරයා, ප්රේමචන්ද්ර සමග එකතු වී කියා ඇත්තේ ප්රේමචන්ද්රගේ නිර්දේශ වලට එකඟ නොවන්නේ නම් නැගෙනහිර පර්යන්තයේ මිළදී ගැනීම් වලට තමන් සහය නොවන බවයි. එහෙත් සභාපති වරයාගේ මෙම අදහස් අධ්යක්ෂ මණ්ඩලය විසින්ද ප්රතික්ෂේප කර ඇත.
මෙම ප්රේමචන්ද්ර නැමැත්තා ඉන්දීය ව්යාපාරික අදානී විසින් ඉදිකරන බටහිර පර්යන්තයේ උපදේශක වරයෙකු ලෙස කටයුතු කරන බවත් ඔහු නැගෙනහිර පර්යන්තයේ කාර්යක්ෂමතාවය බිඳ දැමීමේ කොන්ත්රාත්තුව බාරගෙන ඇති බවත් ඇතැම් වෘත්තීය සමිති චෝදනා කරති.
එසේම එවැනි පුද්ගලයෙකු අධක්ෂක මණ්ඩලය හමුවට ගෙන එමෙන් සභාපති බර්නාර්ඩ් නැමැත්තා මුළුමනින්ම ආයතනයේ මූලික රෙගුලාසි, විශේෂයෙන් ලබැඳියාවන් අතර ගැටුම, අමු අමුවේ උල්ලඝණය කර ඇති බවටද ඔවුන් චෝදනා කරති.
වාර විභාග ගාස්තු ඇතුළු වියදම් ඇතුළත් කිරීම හේතුවෙන් නව වසරේ පාසල් සංවර්ධන ගාස්තු 50% කින් පමණ ඉහළ දැමීමට සිදුවන බව පාසල් ප්රධානින් ප්රකාශ කර තිබේ.
රනිල් ගෙනයන වැඩපිළිවෙල දකුණු කොරියානු ජනාධිපතිගේ පැසසූමට!
ශ්රී ලංකාවේ අභිවෘද්ධිය වෙනුවෙන් අඛණ්ඩව සහාය දෙන බව දකුණු කොරියානු ජනාධිපති යූන් සුක් යෙඕල් (Yoon Suk Yeol) නැවතත් ජනාධිපති රනිල් වික්රමසිංහ වෙත සහතික වී තිබේ.
සීනි සඳහා උපරිම සිල්ලර මිලක් නියම කරමින් පාරිභෝගික කටයුතු පිළිබඳ අධිකාරිය විසින් ගැසට් නිවේදනයක් නිකුත් කර තිබෙනවා.
ආන්දෝලනයකට තුඩු දුන් දාරලුව පඬු කරඳ ගස රහසිගත ව කපා ඉවත් කිරීම සම්බන්ධයෙන් පනවා තිබූ නඩුව එහි පැමිණිලිකරුවන් විසින් ඉල්ලා අස්කරගෙන තිබේ.
සෞඛ්ය සහ අධ්යාපනය වෙනුවෙන් රුපියල් බිලියන 9ක් !
ලෝක බැංකු ආධාර යටතේ පළාත් සභා සහ පළාත් පාලන අමාත්යාංශය විසින් ක්රියාත්මක ව්යාපෘතියක් මඟින් පළාත් නවයම ආවරණය වන පරිදි සෞඛ්ය සහ අධ්යාපන ක්ෂේත්ර වෙනුවෙන් රුපියල් බිලියන නවයක් පිරිනැමීමට සැලසුම් කර තිබෙන බව පළාත් සභා සහ පළාත් පාලන රාජ්ය අමාත්ය ජානක වක්කුඹුර පැවසීය.
දුෂිතයන් දේශපාලනයට ඇවිත් හමාරයි ! මෙන්න අලුත්ම නීති ඇතුළත් ජනපති කොමිසම .
අපරාධවලට සම්බන්ධ වූවන් දේශපාලන පක්ෂවලට ප්රවිෂ්ට වීම වැළැක්වීම, ජන්ද දායකයන් වෙත දේශපාලන පක්ෂවල විනිවිද භාවය සහ වගවීම තහවුරු කර එමඟින් ඒ කෙරෙහි ජනතා විශ්වාසය නැවත ඇති කිරීම ඇතුළු කරුණු ගණනාවක් සම්බන්ධයෙන් සලකා බලා පවත්නා මැතිවරණ නීති සංශෝධනය කිරීමට අවශ්ය නිර්දේශ ඉදිරිපත් කිරීම සඳහා ජනාධිපති රනිල් වික්රමසිංහ පත් කළ පරීක්ෂණ කොමිෂන් සභාවට අදාළ ගැසට් නිවේදනය ජනාධිපති ලේකම් සමන් ඒකනායක විසින් පෙරේදා (2) රාත්රියේ නිකුත් කර තිබේ.
ඒ අනුව මේම කොමිෂන් සභාවට පැවරී ඇති රාජකාරීන් වන්නේ,
*පවත්නා මැතිවරණ නීති පිළිබඳව පරීක්ෂා කර බලා මැතිවරණ නීති සංශෝධනය කිරීමට අවශ්ය නිර්දේශ ඉදිරිපත් කිරීම
*දේශපාලන පක්ෂ, ස්වාධීන කණ්ඩායම් විසින් නිසි පරිදි මාධ්ය භාවිතා කළ යුතු ආකාරය පිළිබඳ මාධ්ය උපමාන සකස් කිරීම පිළිබඳව නිර්දේශ ඉදිරිපත් කිරීම .
*දේශපාලන පක්ෂ, ස්වාධීන කණ්ඩායම් හා ඔවුන්ගේ සාමාජිකත්වය දේශපාලන හා පොදු කටයුතු ඉටුකිරීමේදී හැසිරිය යුතු ආකාරය සම්බන්ධව චර්යාධර්ම පද්ධතියක් හඳුන්වාදීම පිළිබඳ නිර්දේශ ඉදිරිපත් කිරීම.
* දේශපාලන පක්ෂ ලියාපදිංචි කිරීම සහ විශ්වාසනීයව හා මහජනතාවට වගකියන අයුරින් ඒවායෙහි කටයුතු කිරීම සම්බන්ධව නීතිරීති ශක්තිමත් කිරීම පිළිබඳව නිර්දේශ ඉදිරිපත් කිරීම මෙන්ම විමර්ශනය සහ පරීක්ෂා කර වාර්තා කිරීම.
* කාන්තා හා තරුණ නියෝජනය වැඩි කිරීම.
*මැතිවරණයක් ප්රකාශයට පත් කළ දින සිට එකී මැතිවරණය පවත්වා ප්රතිඵල නිකුත් කරනු ලබන දින දක්වා වන කාලය අඩුකිරීම.
* ඡන්දය භාවිතා කිරීමේදී මුද්රිත ඡන්ද පත්රිකාවක් භාවිතා කිරීම වෙනුවට නවීන තාක්ෂණය යොදා ගනිමින් ඉලෙක්ට්රොනිකව ඡන්දය භාවිතා කිරීම සඳහා අවස්ථාව සැලසීම.
*දේශපාලන පක්ෂ, ස්වාධීන කණ්ඩායම් විසින් නිසි පරිදි මාධ්ය භාවිතා කළ යුතු ආකාරය පිළිබඳව මාධ්ය උපමාන සකස් කිරීම පිළිබඳව නිර්දේශ ඉදිරිපත් කිරීම.
* දේශපාලන පක්ෂ, ස්වාධීන කණ්ඩායම් හා ඔවුන්ගේ සාමාජිකත්වය දේශපාලන හා පොදු කටයුතු ඉටුකිරීමේදී හැසිරිය යුතු ආකාරය සම්බන්ධව චර්යාධර්ම පද්ධතියක් හඳුන්වාදීම පිළිබඳව නිර්දේශ ඉදිරිපත් කිරීම.
* දේශපාලන පක්ෂ ලියාපදිංචි කිරීම සහ විශ්වාසනීයව හා මහජනතාවට වගකියන අයුරින් ඒවායෙහි කටයුතු කිරීම සම්බන්ධව නීති රීති ශක්තිමත් කිරීම පිළිබඳ නිර්දේශ ඉදිරිපත් කිරීම.
එමෙන්ම යෝජිත ව්යවස්ථාව ද ඇතුළත්ව පහත කරුණු පිළිබඳ නිර්දේශයන් ඉදිරිපත් කිරීම ද මේ කොමිසමට පැවරේ.
ශ්රී ලංකාවේ ඡන්ද දායකයා සහ දේශපාලන පක්ෂ අතර අන්යෝන්ය විශ්වාසයක් තහවුරු කර පවත්වාගෙන යාමේ අවශ්යතාවය හඳුනාගනිමින් සහ අන්තර් පාර්ලිමේන්තු සංගමයද ඇතුලත්ව ගෝලීය වශයෙන් පිළිගත් සංවිධාන ගණනාවක් විසින් දේශපාලන පක්ෂවල විනිවිදභාවය සහ වගවීම සඳහා නිර්ණායක ඉදිරිපත් කිරීම කෙරෙහිද මෙහිදී අවධානය යොමු කර ඇත.
මැතිවරණද ඇතුළත්ව මැතිවරණ ව්යාපාරයන්හි මූල්ය පිරිවැය ශීඝ්රයෙන් ඉහළ යෑම, දේශපාලනය තුළ මුදලෙහි භූමිකාව සහ ප්රතිපත්ති ග්රහණයට ඇති අවස්ථාවන් සම්බන්ධයෙන් මෙහිදී පුළුල් අවධානයකට ලක් කර තිබෙන අතර, අපරාධවලට සම්බන්ධ වූවන් දේශපාලන පක්ෂවලට ඇතුළු වීම, ස්ථාවර දේශපාලන පක්ෂ වෙනුවට දේශපාලන අස්ථාවරභාවයට තුඩු දෙන පරිදි කෙටි කාලීන දේශපාලනික පෙරමුණු ආදේශ වෙමින් පැවතීම ද කෙරෙහිද විශේෂ අවධානය යොමු කර තිබේ. කොමිෂන් සභා වර්තාව මාස 6ක් තුළ භාර දීමට නියමිතය.
P.M
සෙලින්කෝ සමූහ ව්යාපාරයේ හිටපු සභාපති දේශමාන්ය ලලිත් කොතලාවලගේ මරණය ස්වාභාවික මරණයක් බවට අධිකරණ වෛද්යවරයා අධිකරණයට දැනුම් දී තිබිණි.
