ලෝකයේ තමන්ගෙ ශරීර බර සහ හැඩය පිළිබඳ වඩාම සෑහීමකට පත්වන රට ලෙස සඳහන් වන්නේ ඉන්දුනීසියාවයි. ඒත් ඒ කලාපයේම රටක් ලෙස ගැනෙන හොං කොං දේශයේ මිනිස්සු තමන්ගෙ ශරීරය පිළිබඳ වඩාත්ම සතුටින් පසුවන පිරිස බව පැවසෙනවා.

මේ බව හෙළිවී තිබෙන්නේ  ජාත්‍යන්තර තලයේ සමීක්ෂණ ආයතනයක් වෙන YouGov මගින් සිදු කළ සමීක්ෂණයකට අනුවයි.

ඒවගේම මෙම සමීක්ෂණයට අනුව හෙළිව තිබෙන්නේ තම ශරීරයේ ස්වභාවය පිළිබඳ වඩාත් අසතුටින් පසුවන්නේ ලෝකයේ කීර්තිමත් සංස්කෘතීන් සහිත සහ දියුණු යයි සම්මත රටවල මිනිසුන් බවයි.

නමුත් මෙයට සාපේක්ෂව මැදපෙරදිග සහ ආසියානු පැසිෆික් කලාපයේ රටවල මිනිසුන් තම ශරීර ස්වබාවය පිළිබඳ සෑහීමකට පත්වන බව පැවසේ. 

ලෝකයේ විවිධ රටවල මිනිස්සු තමන්ගෙ ශරීරය ගැන හිතන විදිහ පහත වගුවෙන් තවත් පැහැදිලි වේවි.