එක් ගැහැණු පැටවෙකු සහ පිරිමි පැටවුන් දෙදෙනෙකුගෙන් යුක්ත මේ තුන්නිවුන් පැන්ඩාවුන් ජීවත් කරවීම අසීරු බවට අදහස් පැමිණියේ ද එම අවස්ථාවේදී බව පැවසෙනවා. මීට පෙර මෙවැනි තුන්නිවුන් පැන්ඩා උපත් හතරක් වාර්තා වී තිබුණත් පැටවුන්ගේ ශරීරවල ප්‍රමාණය කු‍ඩා වීම නිසා ඔවුන් අකාලයේ මියයාම සිදු වූ බව සඳහන් වේ.
කෙසේ නමුත් සිය ජීවිතයේ පළමු දින 100 කඩඉම පසුකර ඇති මෙම පැන්ඩා පැටවුන් මේ වසර වනවිට රාත්තල් 11ක බරින් යුක්ත බව සත්ත්ව උද්‍යානයේ බලධාරීන් පවසනවා. පළමුව ගැහැණු පැටවා සහ ඉන් අනතුරුව පිරිමි පැටවුන් දෙදෙනා ලෙස පැය හතරක පරතරයක් ඇතුළතදී ඔවුන් මෙලෙස උපත ලබා තිබෙනවා.
පැටවුන් මේ දින 100 සම්පූර්ණ කිරීමත් සමගින් ඔවුන් මහජනතාව වෙත ප්‍රදර්ශනය කරන්නට ද සත්ත්වෝද්‍යාන බලධාරීන් කටයුතු කර තිබුණා. එහෙත් එය ද සීමාසහිත කාලයකට වූ අතර ඔවුන්ට වැඩි වේලාවක් තම මව සමගින් සිටීමේ අවස්ථාව උදාකර දීමට ද එම බලධාරීන් පියවර ගෙන තිබූ බව සඳහන් වේ.
ඉදිරියේදී ද මේ ආකාරයට ම ඔවුන් හොඳින් වර්ධනය වෙන්නේ නම් තවදුරටත් මව සමගින් ම මේ පැටවුන් රඳවා තැබීමටත් එම පිරිස් තීරණය ගැනීමට නියමිතව තිබෙනවා. තවමත් නම් යොදා නොමැති මේ දුර්ලබ පැන්ඩා පැටවුන් තිදෙනා වෙනුවෙන් නම් යෝජනා කිරීමට ද මහජනතාවට ආරාධනා කිරීමට උද්‍යානයේ බලධාරීන් පියවර ගෙන තිබෙනවා.
අද ඇසුරෙනි
