ලයිකා සමුහ වියාපාරයේ ජනප්‍රිය ටෙලිනාට්‍ය පිටපත් රචිකාවියක් වන බුද්ධිනි ජයවර්ධන පසුගිය දවසක තම මුහුණු පොතෙහි අන්දොලත්මක සටහනක් තබමින් පවසා තිබුනේ චැනල් වල ලොකු පුටුවල ඉන්න ලොක්කන්ගේ ක්‍රියාකලාපය ගැනය. ඇය ඒ පිළිබදව මුහුණු පොතෙහි තැබූ සටහන මෙසේය,

''චැනල්වල ලොකු පුටුවල ඉන්න අයට බොන්නයි ටෙලි නාට්‍යවල රඟපාන සමහර බට්ටිච්චියන්වයි දීලා තමන්ගෙ නාට්‍ය දික් කරගන්නයි..නාට්‍ය දාගන්නයි එපා. ඒක හරි කැතයි. ඒවට ලොල් වුනාම ලොක්කො lineup වුන ඒවත් ගලවලා දානවා. ඒකෙන් අසාධාරණය වෙන්නෙ තවත් නිර්මාණවේදියෙක්ට. සමහරක් ලොක්කන්ගෙ මානසික විකෘතිතාව අඳුනගෙන ඒකට හරියන්න ටෙලි කරනවා තැන තැන කියව කියව " අරූගෙ ටේස්ට් එක මේක" කියලා.
මේ සටහන ලිව්වෙ මේ දවස්වල අපේම කීප දෙනෙක් මා එක්ක කිව්ව දේවල් එක්ක. ප්‍රවීනම අයගෙ lineup වෙච්ච ඒවා ගලවලා. ඒ ඔවුන් තමන්ගෙ නිර්මාණය හින්දා ලොක්කන්ට බොන්නයි ගෑනුයි නොදුන්න නිසා. එහෙමත් නැත්නම් ලොක්කන්ගෙ ලිංගික අසහනය සංසිඳුවගන්න නිර්මාණ නොකරන නිසා. එයාලව ගලවලා දාන්නෙ නිකම්ම නෙවෙයි . චැනල් එකක නාට්‍ය ගන්න ක්‍රියාවලියත් වෙනස් කරලා.
ඉස්සරහට නම් එක්කම දාන්න පුළුවන් වෙයි.
ලොකු පුටුවලට ලොකුයි කියලා හිතලා ගන්න එවුන් ගැන උන්ව දාන ලොක්කොත් හිතන්න ඕන මීට වඩා''

රංගන ක්ෂේත්‍රය තුළ පමණක් නොව මාධ්‍ය ක්ෂේත්‍රයේ ලොකු ලොක්කන් පිනවන්න එකී මාධ්‍ය ආයතන තුළ සේවය කරන මාධ්‍යවේදීනියන්ට සිදුවන අකටයුතුකම් පසුගිය කාලය තුළද සමාජ මාධ්‍යතුල දැඩි කතාබහට ලක්විය. වරෙක සමාජ මාධ්‍යතුල කාන්තාවක් ඇයට සිදු වූ සිදුවීම වීඩියෝවක් හරහා නිකුත් කරමින් කියා සිටියේ ලංකාවේ අංක එක යැයි කියා ගන්නා ප්‍රධාන පුද්ගලික නාලිකාවක සම්මුඛ පරීක්ෂණයකදී එකී ආයතනයේ ප්‍රධානින් විසින් රැකියාව දෙන්න නම් ඇයගෙන් ලිංගික අල්ලස් ඉල්ලා සිටි බවය.

තවත් විටෙක ස්වාධින රුපවාහිනී ජනප්‍රිය මාධ්‍යවේදිනියක වූ ඉෂාරා දේවින්ද්ද්‍රා තම මුහුණු පොතෙහි ආන්දෝලාත්මක සටහනක් තබමින් පවසා සිටියේ ආසම රස්සාව ආත්ම ගරුත්වය වෙනුවෙන් අත්හැරිය බවය.

''මගේ ආසම රස්සාව මම අත් හැරියා... ආත්ම ගරුත්වය වෙනුවෙන්..

මේ කතාව මට කියන්න ඕන වුනේ 2023.03.15 වෙනිදා.

නමුත් ඇයි මම News කියන්නේ නැත්තේ,ඇයි පත්තරේ කරන්නේ නැත්තේ කියලා අදට ගොඩාක් අය අහන නිසා මේ කතාව මම අද කියනවා....

2008 අවුරුද්දේ ළමා ප්‍රවෘත්ති නිවේදිකාවක ලෙස මාධ්‍ය ජීවිතයට අත්පොත් තියපු මම 2023.03.15 ඒ මාධ්‍ය ජීවිතයට නැවතීමේ තිත තියන්නට හිතනවා. ඒ ලොකු කලකිරීමක් දුකක් එක්ක.

මම මගේ රැකියාවට වඩා ඉහලින්, මගේ ආත්ම ගරුත්වය ආරක්ෂා කරන්නට නිරන්තරයෙන් කටයුතු කරන කෙනෙක්. ගෑණියෙක් තනියම ජීවත් වුන පලියට ඒ ගෑණි වේස ගෑණියෙක් වෙන්නේ නෑ කවදාවත්ම. ඒක නොතේරෙන මහල්ලෝ සමහර මධ්‍ය ආයතනවල ලොකු පුටුවල ඉන්නවා බොරු හයියක් මවාගෙන.

මම ආයතනය ගණනාවක සේවය කරලා තියෙනවා.

නමුත් අවාසනාවකට මේ කියන ආයතනයේ හිටියේ ජීවිතේ ඇරියස් තියෙන මහල්ලෝ. ඒ වගේම ඉහලට යන්න නම් ඔයා මගේම වෙන්න ඕන කියන වනචරයෝ. මවාගත්ත පෞර්ශයක් තියෙන පුස්සෝ. කෙනෙක් කරදරේ වැටුනාම ඒකෙන් ප්‍රයෝජන අරන් පිහිටට බලෙන් එන බොස්ලා...

මම මේ ගැන සාක්ශි එක්ක audio video recording එක්ක බලධාරීන් දැනුවත් කළත් අදටත් ඒ ගැන කිසිම කෙනෙක් action අරගෙන නෑ..මේක මට විතරක් වුන දෙයක් නෙවෙයි කියලා මුලු ආයතනයම දන්නවා.

TV එකේ මූණ පෙන්නන්න ආසාවෙන් ආපු,ජීවිතේ ගොඩ යන්න හිතන් ආපු ගොඩාක් ගෑණු ලමයින්ට මේ කියන නාකි මහල්ලෝ මානසික වදයක් වෙන තැනකට එන්න ඇති. හැබැයි කවුරුත් හඩක් නගලා නෑ.කතා කරලා නෑ. මොකද රස්සාව ඕන. එහෙම නැතිනම් ඒ ගෑණු ලමයි මේ කියන මහල්ලන්ට බයයි.ඒ මහල්ලෝ Meeting වල ගෑණු වට කරන් double meaning කතා කියලා කොක් හඩලා හිනා වෙන එක විතරයි කරන්නේ. අසාධාරණය වුන ගෑණු වෙනුවෙන් කතා කරන්න එක ගෑනියෙක්ට වත් හයියක් නෑ. උන් ඔක්කොම යාලුවො කියලා තමයි කියන්න වෙන්නේ ..

කොහොම වුනත් මේ ගැන අදටත් කිසිම action එකක් නැති තැන මගේ මානසික සුවය උදෙසාත්, මගේ ආත්ම ගරුත්වය මට අංක 1 නිසාත් මම මගේ අවුරුදු 15 මාධ්‍ය ජීවිතය මේ විදිහට අවසන් කරන්නට හිතුවා.

මේක media වල විතරක් තියෙන දෙයක් නෙවෙයි , මේක මේ රටේ වුන පලවෙනි සිද්ධිය වත් අවසන් සිද්ධිය වත් නෙවෙයි . කවුරු තනතුරු වලට ආවත් මේ දේවල් වෙනස් කරන්න උත්සාහ ගනිවිද කියල තියෙන්නේ ලොකු සැකයක්.

ඒ නිසා කවදා හරි ඔයාගේ දුව, wife, නංගි,අක්කා මේ වගේ සෙවල නාකින්ට අහුවෙන්න දෙන්න එපා. මට වගේම තවත් ගෑණු ලමයින්ට දුන්න මානසික වදය ,බලපෑම තවත් කෙනෙක්ට හෙට දවසේ වෙන්න දෙන්න එපා කියලයි මම අයින් වෙලා එද්දීත් හිටපු බලධාරීන් ගෙන් කරපු එකම ඉල්ලීම.ඒ ඉල්ලීම ඉශ්ට වෙයි කියලා මම අදටත් විශ්වාස කරනවා..

"ඉෂාරා දේවේන්ද්‍ර" වෙනුවෙන් ආදරය කලාට..මෙතුවක් කල් මගේ ප්‍රවෘත්ති කියවීමේ කලාවට ආදරය කලාට ඔබට ස්තූතියි....????''

කෙසේවෙතත් මෙම සටහන සමග එකී ආයතනයේ සභාපතිවරයා ඇතුළු පාර්ශවයන්ට එරෙහිව මාධ්‍යවේදීන්ගේ සංගම් මගින් ලිඛිතව ජනාධිපතිවරයා වෙතද වහාම පරීක්ෂණ පවත්වා සාධාරණයක් ඉල්ලා සිටියේය.

ඒ පිළිබදව එකී ආයතයේ සභාපතිවරයා දන්වා සිටියේ තමා කිසිවක් නොදන්නා බවත් වහා පරිෂණ සිදු කරන බවත් කියමින් මාධ්‍යවේදීන්ගේ පැනයන්ගෙන් කට්ටි පමිනින් සිටියේය. අවසානයේ තවත් එක් දක්ෂ මාධ්‍යවේදිනියක් රටට අහිමි කරමින් සියලු දේ කාලය සමග යටපත් කර ගැනීමට එකී ආයතනයේ සභාපතිවරයා පියවර ගෙන ඇත.

-P.M