මැක් ලින්ෆෙල්ඩ් විසින් අධ්‍යක්ෂණය කර ඇති මේ වාර්තා චිත්‍රපටය අලුත උපන් රිළා පැටවකුගේ සහ මායා නම් රිළවියකගේ ජීවිත කතාව ඇතුළත් වී ඇත. Monkey Kingdom උණවටුන වෙරළ තීරය, යාල වනෝද්‍යානය, කල්පිටිය, මිරිස්ස සහ සීගිරිය වැනි විශේෂ ස්ථානවලද රූගත කිරීම් සිදු කර තිබේ.
ඇ.ඩො. මිලියන 7ක් පමණ වැය වී ඇති මෙම චිත්‍රපටය ඩිස්නි සමාගමේ අංශය විසින් නිර්මාණය කරන ලද වාර්තාමය චිත්‍රපටයකි. ඩිස්නි සමාගම සෑම වසරකම මිහිකත් දිනයට සමගාමීව අධ්‍යාපනික සහ පාරිසරික වශයෙන් වැදගත් මෙවැනි චිත්‍රපටයක් නිපදවීම සිරිතකි.
දැනට ඇමෙරිකාවේ පමණක් මෙය ප්‍රදර්ශනය කර තිබේ.
