නිවන් යන්නත් ලයිට් තියෙන්න ඕන. බුද්ධ බලය, විදුලි බලයට යටත්වේ.
විදූලි බිල් වැඩි වීම ගැන භික්ෂු විරෝධය අනුව තේරුම් යන්නේ නිවන උදා කරගන්න නම් පත්තු වුණු බල්බ තිබිය යුතු බව වත්මන් බුද්ධාගමේ භික්ෂු පරපුර තේරුම් ගෙන තිබෙන බවය. එහි පුදුමයක් නැත. අද භික්ෂු සාසනයේ සාතිශය බහුතර භික්ෂුන් කටයුතු කරන්නේ බුද්ධ දේශනාව අනුව නොවන බව පැහැදිලි කාරණයකි. අද බුද්ධ බලය, විදුලි බලයට යටත් කර තිබේ. බල්බ පත්තු නොකර නිවන් යන්න බැරි යැයි සිතන්නේ ඒ් නිසාය.
මයික් ටයිසන්ලාගේ ජනමතය සහ ඇත්ත ජනමතය ගැන රනිල්ගේ විග්‍රහය
රටේ 'ජනමතය' දේශපාලකයෝ නිතර තොරොම්බල කරන වචනයකි. ජනමතය මේ යයි කියමින් ඡන්ද පන්දාහක්වත් ජනමතයක් නැති දේශපාලන පක්ෂද කතා කරන්නේ ඔවුන්ගේ මතය රටේම මතය යැයි සිතාගෙනය. මෙය නොදන්නාකම, අනවබෝධය මත හෝ තක්කඩි කමට කරනවා ඇතැයි කියා සාධාරණව සිතුවත් බොහෝ විට මේ අය ඇත්තටම හිතන්නේ රටේ ජනමතය තමන්ගේ මතය බවය.
ආහාර හා පෝෂණය සුරක්ෂිතාව රාජ්‍ය සේවයටත් ලබාගැනීම ගැන..
ශ්‍රී ලංකාවේ ආහාර හා පෝෂණ සුරක්ෂිතාව තහවුර කිරීමට ජාතික සැලැස්මක් ඔස්සේ කටයුතු කළයුතු බව ආහාර සුරක්ෂිතතාව සහ පෝෂණය සහතික කිරීම සඳහා ග්‍රාමීය ආර්ථික පුනර්ජීවන කේන්ද්‍ර සවිබල ගැන්වීමේ බහු ආංශික ඒකාබද්ධ යාන්ත්‍රණය ස්ථාපනය කිරීමේ සමාරම්භක වැඩසටහන අමතමින් ඊයේ ප්‍රකාශ කර තිබිණි.
මෙම වැඩසටහන ඊයේ (13) පස්වරුවේ ජනාධිපති කාර්යාලයේ දී පැවැත්විණි.
ටෙන්ඩර් කතාවෙන් ඔප්පු වුණේ චරිත කියන්නේම හිස් ගෑස් ටැංකියක් බවය
ලිට්‍රෝ ගෑස් ටෙන්ඩරයෙන් කොටි 130 ක් ගසා කාලා යැයි කෝප් කමි‍ටු සභාපති චරිත හේරටත් විසින් දේශපාලන වේදිකාවක කළ කතාවක් ගැන පුවත් වාර්තා වෙමින් ඇත.
වෙබ් අඩවියක සඳහන් වූ මේ පුවත ගැන සටහන් සමාජ මාධ්‍ය තුළ වේගයෙන් ව්‍යාප්ත වෙමින් ද තිබේ.
ජාත්‍යන්තර සංවර්ධනය සඳහා වන අමෙරිකානු නියෝජිත ආයතනයේ ප්‍රධානී සමන්තා පවර් මෙරටට හදිසියේ එන්නේ මෙරට මානව හිමිකම් උල්ලංඝණය වීම ගැන සොයා බලා ජනාධිපතිවරයාට තරව‍ටු කර යන්න බව විපක්ෂයට පක්ෂපාත ප්‍රධාන පෙළේ මාධ්‍ය , සමාජ මධ්‍ය වල පසුගිය සතියේ ලොකු ප්‍රචාරයක් ලබා දී තිබිණි. සමන්තා පවර් ආපහු යද්දි හොඳවැයින් දෙකක් කියා යනු ඇති බවද මේ අය සිතා සිටියහ.
රාජ්‍ය ඇමැතිවරුන් 37 ක් දිවුරුම් දෙති. හම්බෝ ඇමැතිවරු ගොඩ..
තිස් හත දෙනෙකු තරම් විශාල රාජ්‍ය ඇමැතිවරු ප්‍රමාණයක් දිවුරුම් දීම සම්බන්ධයෙන් මේ වන විටත් විශාල විවේචනයක් ජනාධිපතිරයාට එරෙහිව එල්ල වෙමින් පවතී.. රාජ්‍ය සේවය කප්පාදු කළ යුතු බවට මතයක් ආණ්ඩු පාර්ශ්වය විසින් පතුරුවමින් සිටින මොහොතක ජනාධිපතිවරයා විශාල රාජ්‍ය ඇමැති මණ්ඩලයක් පත් කිරීම ගැන එල්ල වන විවේචනය සුළුවෙන් තැකිය යුතු නැත. එහෙත් ඇත්ත තත්වය මඟහැර එම විවේචනයන් බාරගත යුතු ද නැත.
බදු වැඩි කළා කිව්වට තවම යහපාලන කාලේ ගහපු ගැහිල්ල ගහලා නෑ.
පවතින ආර්ථික අර්බුදය, ලොකු කුඩා සැමටත් දුප්පත් හා පොහොසත් අයටත් පොදුවේ සහ වෙන වෙනමත් අහිතකර ප්‍රතිවිපාක ගෙන එන්නකි. බොහෝ කාලයක් පැවති, සාර්ව ආර්ථික දර්ශකවල අහිතකර ඇඟවීම් නිවැරැදිව කියවා නොගැනීමත්, එදා වේල බේරා ගැනීම මිස, ස්ථිරසාර කල්පවත්නා ජාතික ප්‍රතිපත්ති කිසිවක් නො වීමත් ආර්ථිකයේ පවතින උපන්ගෙයි දෝසයෝ ය.
IMF ණයෙන් හරි වැඩක් ගන්න එක්සත් ජාතීන්ගෙනුත් සහය.
ශ්‍රී ලංකා රජය සහ එක්සත් ජාතීන්ගේ සංවර්ධන වැඩසටහන විසින්, මෙරට තිරසාර සංවර්ධන ඉලක්ක සාක්ෂාත් කරගැනීම සඳහා සිය ප්‍රාග්ධනය යෙදවීමට අරමුණු කරන පෞද්ගලික අංශය වෙත අවශ්‍ය සහයෝගය ලබා දීම වෙනුවෙන් 'තිරසාර සංවර්ධන ඉලක්ක සඳහා වන ආයෝජක සිතියම' පසුගිය දා එළිදැක්වීය.
