ජනාධිපතිවරණයට ඉදිරිපත්වීම සඳහා සිය අමරිකානු පුරවැසි බාවය ඉවත් කරගත් බව කියමින් ගෝඨාභය රාජපක්ෂ පාර්ශ්වය අද දින උදෑසන ප්‍රසිද්ධ කිරීමට කටයුතු කර තිබෙන අමරිකානු රජයේ යැයි හැඟවෙන ලියවිල්ල සත්‍ය ලියවිල්ලක් නොවන බවට එම පාර්ශ්වයෙන්ම ලැබෙන තොරතුරු මාර්ග පවසයි.

රුපියල් මිලියන තිහක මුදලක් අයුතු ලෙස උපයාගැනීම මඟින් මුදල් විශුද්ධිකරණය වැළැක්වීමේ පනත යටතට ගැනෙන වැරැදි සිදු කළ බවට අධිචෝදනා 11 යටතේ නීතිපතිවරයා පවරා ඇති නඩුව ප්‍රකාරව එම චෝදනා ඔප්පු වුව හොත් පාර්ලිමේන්තු මන්ත්‍රී නාමල් රාජපක්ෂ මහතාට සහ සෙසු විත්තිකරුවන්ට සිව්දෙනාට වසර 20 ක සිර දඬුවමක් ප්‍රකාශයට පත් විය හැකි බව එම පනතෙහි දක්වා ඇති විධි විධාන අනුව දැක්වේ. පසුගිය අප්‍රේල් මස දී මෙම චෝදනා ගොනු කිරීම සිදුවිය.

රාජපක්ෂ යුගයේ වූ දේශපාලන ඝාතන හා වෙනත් අපරාධ සම්බන්ධයෙන් වගකිව යුත්තකු ලෙස රට වැසියා හමුවේ ගැරහුමට පාත්‍රවී සිටින ගොඨාබයා රාජපක්ෂ, පිරිසිදු දේශපාලකයකු ලෙස මහත්මයකු ලෙස සරසා එළඹෙන ජනාධිපතිවරණයේ ශ්‍රිලනීප අපෙක්ෂකයා ලෙස ඉදිරිපත් කිරීමේ කොන්ත්‍රාත්තුව සිරස ටීවී අධිපති කිලී මහරාජා විසින් බාර ගෙන තිබේ.