ජාතිවාදීයකු, ආගම්වාදියකු, යුධ උන්මන්තකයක නිලධාරියකු වූ හිටපු ආරක්ෂක ලේකම් ගෝඨාබය ගේ දේශපාලන ආගමනය වෙනුවෙ සිරස ටීවී විශේෂ වැඩසටහන් මාලාවක් ප්‍රචාරය කිරීමට මේ වන විට සැලසුම් කර තිබේ. ‘ කඩමන්ඩිය ‘ නමින් හඳුන්වා ප්‍රචාරය කරන මෙම වැඩ සටහනෙදී ගොඨාබය සමග ගමින් ගමට ගොස් කඩමණ්ඩිවලදී ජනතාව මුණගැසී ඔවුන්ගේ ප්‍රශ්න සාකච්ඡා කිරීම සිදුකර ඊට පිලිතුරු ගොඨා වෙතින් ලබා දීමට සැලසුම් කොට තිබේ. ඒ හරහා ගොඨා ජනතාවදී සුහදශිලී දේශපාලන නායකයකු ලෙස ඔහුගේ ප්‍රතිරූපය සකස් කිරිම මෙහි අරමුණ වී ඇත.
එමෙන්ම රනිල් වික්‍රමසිංහට එරෙහිව අවලාද නැගීම හා ගොඨා මහතාගේ සොහොයුරා වන බැසිල් ගේ දේශපාලන ව්‍යාපෘතිය කඩාකප්පල් කිරීමද මෙහි අරමුණ වී තිබේ. බැසිල් දේශපාලනික වශයෙන් ශක්තිමත් වීම ගොඨාගේ ජාතික දේශපාලන ආගමනයට බාධාවක්ව තිබීම මත බැසිල් සංවිධානය කළ කිසිදු දේශපාලන වැඩ සටහනකට ගොඨා සහභාගී නොවීමද පසුගිය කාලයේ කැපී පෙනුන සිදුවීමකි. බැසිල් එජාපයේ කොන්ත්‍රාත්තුවක් ඉ‍ටුකරමින් සිටින බවත් ඊට මහින්ද රාජපක්ෂත් අසුවී සිටින බවත් ගෝඨා පර්ශ්වයේ මතය වී තිබේ. එමෙන්ම ගොඨා මේ වන විටත් ජනාධිපති මෛත්‍රීපාල සමඟ ඉතා සමීප සම්බන්ධතාවයක් පවත්වාගෙන යයි. එමෙන්ම කිලී මහරාජා ජනාධිපතිවරයා හා ගෝඨා සමඟ ද ඉතා සමීප සම්බන්ධතාවයක් නඩත්තු කරමින් සිටී. ජනාධිපතිවරයාගේ මාධ්‍ය අංශය මුලුමනින්ම කිලී මහරාජා විසින් මෙහෙයවනුද ලබයි.
එසේම මෙම වැඩසටහන පාත් ෆයින්ඩර් නම් රාජ්‍ය නොවන සංවිධානයේ සභාපතී, ජනාධිපතිවරයගේ ජාත්‍යන්තර කටයුතු උපදේශකයකු මෙන් පෙනී සිටින මිලින්ද මොරගොඩගේ සැලසුමක් අනුව ක්‍රියාත්මක වන්නක් බවද දැන ගැනිමට තිබේ.
පාත් ෆයින්ඩර් ආයතන චීනයේ CICIR (China Institutes of ontemporary International Relations) ආයතනය සමඟ අවබෝධතාවකට එළෙඹෙමින් මෙරට දේශපාලනය කළමනාකරණය කිරීම මෙහෙයුමකට සම්බන්ධව සිටින බවත් ගෝඨාභය රාජපක්ෂ මහතාව ශ්‍රීලනිපයේ 2020 ජනාධිපති හෝ අගමැති අපේක්ෂකයා කිරීමේ මෙහෙයුමක සිටිනබව මීට පෙර අනාවරණය වී තිබිණි. මෙම ආයතනය චීනයේ විදේශ ප්‍රතිපත්ති සැකසීම වෙනුවෙන් වඩාත්ම බලපෑම්සහගත ආයතනයක් ලෙස සැලකෙන අතර චීන පාලක පක්ෂය වන කොමියුනිස්ට් පක්ෂයේ අධීක්ෂණය යටතේ ක්‍රියාත්මක වන බුද්ධි මණ්ඩලයකි.
ඒ අනුව දැන් කට්ටිය සෙට් වී සිටින්නේ ගෝඨාගේ නැට්ටෙ එල්ලී දිව්‍ය ලෝකයේ යන්නය
