දුම්රිය ස්ථානාධිපතිවරුන් අද මධ්‍යම රාත්‍රියේ සිට වැඩ වර්ජනයක
දුම්රිය ස්ථානාධිපතිවරුන් අද මධ්‍යම රාත්‍රියේ සිට සිය අධීක්ෂණ ආවරණ රාජකාරිවලින් ඉවත් වීමට තීරණය කර තිබෙනවා. ඒ දෙපාර්තමේන්තුවේ පවතින පුරප්පාඩු සහ බඳවා ගැනීමේ ක්‍රමවේද කඩිනමින් සකස් කිරීම, දුම්රිය ස්ථාන සඳහා ක්‍රමවත් සන්නිවේදන පද්ධතියක් හඳුන්වාදීම ඇතුළු ඉල්ලීම් කිහිපයක් මුල් කර ගනිමින්.
කොරෝනා මෘත දේහ භුමිදානයට අවසර ලබා දෙන බව අද පාර්ලිමේන්තු සභාවේදී මිට සුළු වේලාවකට පෙර අග්‍රාමාත්‍ය මහින්ද රාජපක්ෂ ප්‍රකශ කර තිබෙනවා.
ජලයෙන් කොරෝනා රෝගය බෝ නොවන බව සුදර්ශනී ප්‍රනාන්දුපුල්ලේ රාජ්‍ය අමාත්‍යවරිය ඊයේ පාර්ලිමේන්තුවේදී සඳහන් කළ බවත් ඒ හේතුවෙන් මෘතදේහ භූමිදනයට අවසර ලබා දෙන්නේදැයි පාර්ලිමේන්තු මන්ත්‍රී එස්.එම්. මරික්කාර් අගමැති මහින්ද රාජපක්ෂ ගෙන් විමසා සිටි අවස්ථාවේදී එයට පිළිතුරු දෙමින් අගමැතිවරයා කියා සිටියේ මෘතදේහ භූමිදානයට අවසර ලබාදෙන බවයි.
කොවිඩ් 19 ආසාදිතව මළවුන්ගේ දේහ බලහත්කාරයෙන් ආදාහනය කිරීමේ ආණ්ඩුවේ ප්‍රතිපත්තිය ජනවාර්ගිකත්වය කේන්ද්‍රකරගත් ප්‍රතිපත්තියක් ලෙස හෙළා දකිමින් එක්සත් ජාතීන්ගේ මානව හිමිකම් විශේෂඥයන් කණ්ඩායමක් විසින් මහ කොමසාරිස් මිෂෙල් බැචලේගේ වාර්තාවට දෙදිනකට පෙර නිවේදනයක් නිකුත් කර තිබුණි.
රථගාල් දොළහේ ව්‍යාපෘතියේ දෙවන රථගාලේ ඉදිකිරීම් කටයුතු අද ඇරඹේ
කොළඹ නගරයේ පවතින රථ වාහන තදබදය අවම කිරීම සඳහා නාගරික සංවර්ධන හා නිවාස අමාත්‍ය, අග්‍රාමාත්‍ය මහින්ද රාජපක්ෂගේ උපදෙස් මත ඉදි කරමින් පවතින රථගාල් දොළහේ ව්‍යාපෘතියේ දෙවන රථගාල යූනියන් පෙදෙසේ ඉබ්බන්වල හන්දියේ දී ඉදිකිරීමේ කටයුතු අද (10) ඇරඹීමට නියමිතයි.
ජනමාධ්‍යවේදීන් සඳහා කොරෝනා මර්දන එන්නත කඩිනමින් ලබා දෙන ලෙස ජනමාධ්‍ය අමාත්‍ය කෙහෙළිය රඹුක්වැල්ල කොරෝනා මර්දන ජනාධිපති කාර්ය සාධක බලකායෙන් ඉල්ලීමක් කර ඇති බව වාර්තා වේ.
“ජනතාව බලාපොරොත්තු වූ නාගරික සංවර්ධනය කඩිනම් කරන්න” – අගමැති
ජනතා බලාපොරොත්තු ඉටුවන පරිදි රජයේ සංවර්ධන ව්‍යාපෘති නියමිත පරිදි කඩිනමින් අවසන් කිරීමට පියවර ගන්නැයි ගරු අගමැති මහින්ද රාජපක්ෂ මහතා ඊයේ (පෙබරවාරි 09) දින පැවැසීය. නාගරික සංවර්ධන හා නිවාස අමාත්‍යංශයේ පැවැති ප්‍රගති සමාලෝචන රැස්වීමට එක්වෙමින් විෂය භාර අමාත්‍යවරයා වශයෙන් අග්‍රාමාත්‍ය මහින්ද රාජපක්ෂ මහතා මේ බව පවසා තිබේ.
පාස්කු විමර්ශන ප්‍රමාණවත් මදි ! නීතිපතිවරයා අවධාරණය කරයි
පාස්කු ඉරුදින එල්ල කළ ත්‍රස්ත ප්‍රහාර මාලාව සම්බන්ධයෙන් රහස් පොලිසිය සිදුකළ විමර්ශන ප්‍රමාණවත් නොවන බව අවධාරණය කර නීතිපතිවරයා එම සිද්ධිය සම්බන්ධයෙන් විධිමත් විමර්ශනයක් සිදුකොට, තමාට වාර්තාවක් ඉදිරිපත් කරන ලෙස පොලිස්පතිවරයාට ඊයේ (9) උපදෙස් ලබා දී ඇති බව වාර්තා වේ.
දේශපාලන පළිගැනීම් සොයා බැලූ ජනාධිපති කොමිසම නිකුත් කර නිර්දේශයක් බලරහිත කරන ලෙස ඉල්ලා පෙත්සමක්
දේශපාලන පළිගැනීම් පිළිබඳව සොයා බැලූ ජනාධිපති කොමිසම නිකුත් කර තිබෙන නිර්දේශයක් බලරහිත කරන ලෙස ඉල්ලා ගොනුකර තිබෙන රිට් පෙත්සමක් සලකා බැලීම සඳහා දින නියම කර තිබේ.
ඉකුත් මහ මැතිවරණ සමයේ යුද හමුදා සෙබළුන් ඝාතනය සම්බන්ධයෙන් හිටපු නියෝජ්‍ය අමාත්‍ය කරුණාඅම්මාන් සිදුකළ ප්‍රකාශයක් සම්බන්ධයෙන් පරීක්ෂණයක් සිදුකරන ලෙස පොලිස්පතිවරයා වෙත නියෝගයක් නිකුත් කරන්නැයි ඉල්ලා ගොනු කරන ලද මූලික අයිතිවාසිකම් පෙත්සමක් අද (09) ඉල්ලා අස්කර ගැනීමෙන් පසුව එය නිෂ්ප්‍රභා කිරීමට ශ්‍රේෂ්ඨාධිකරණය නියම කර තිබේ.
