මෙරටට පැමිණීමට නොහැකිව ඩුබාහි රැඳී සිටි ශ්‍රී ලාංකීක ශ්‍රමිකයින් පිරිසක් හමුවීමට අමාත්‍ය නාමල් රාජපක්ෂ පියවර ගෙන තිබු අතර ඔවුන් සමග පැවති සාකච්ඡාවකින් අනතුරුව එම පිරිසට නැවත ලංකාවට පැමිණීමට අවශ්‍ය පහසුකම් සැපයිනි.

පරිසර හිතකාමී ලෙස පොල් කටු අඟුරු නිෂ්පාදනය කර සක්‍රීය කාබන් ලෙස යුරෝපීය වෙළෙඳපොළට අපනයනය කිරීමේ නව ක්‍රමවේදයක් සකස් කිරීමට පොල් සංවර්ධන අධිකාරිය අවධානය යොමුකර තිබෙනවා.

කිසියම් පිරිසක් තමන්ව පැහැරගෙන ගොස් ලිංගික හිරිහැර කළ බවට අසත්‍ය පැමිණිල්ලක් සිදුකළේ යැයි චෝදනා එල්ල වී සිටින කොළඹ පිහිටි ස්විස්ටර්ලන්ත තානාපති කාර්යාල නිලධාරිනි ගානියා බැරිස්ටර් ෆ්‍රැන්සිස් නැමැත්තියට අද (09) කොළඹ මහාධිකරණය හමුවේ අධිචෝදනා පත්‍ර භාර දෙනු ලැබීය.

නිරවුල් හිමිකමක් නැතිව රජයේ ඉඩම් භුක්ති විඳිමින් සිටි පවුල් වෙත දීමනා පත්‍ර ප්‍රදානය ජනාධිපති ගෝඨාභය රාජපක්ෂගේ ප්‍රධානත්වයෙන් ඊයේ (08) ජනාධිපති කාර්යාලයේ දී සිදු කෙරුණා.

2021 පෙබරවාරි 5වන දින අමාත්‍ය මණ්ඩල සංදේශයට අනුව භූමිතෙල් සහනාධාරය ප්‍රතිපූර්ණය කිරීම සහ බොරතෙල් සඳහා වන වරාය හා ගුවන් තොටුපළ සංවර්ධන බද්ද නැවත සකස් කිරීම සඳහා පත්කරන ලද අමාත්‍ය මණ්ඩල අනු කමිටුව අග්‍රාමාත්‍ය මහින්ද රාජපක්ෂගේ ප්‍රධානත්වයෙන් පළමු වරට ඊයේ (08) මුදල් අමාත්‍යංශයේ දී රැස්විය.

අන්තවාදී මත පතුරුවන ඉස්ලාමීය ආගමික කරුණු ඇතුළත් පොත්පත් රට තුළට ඒම වැළැක්වීම සඳහා රාජ්‍ය බුද්ධි අංශ නිලධාරීන්ට හය මසක අරාබි භාෂාව පිළිබඳව විශේෂ පුහුණුවක් ලබාදීමට පියවර ගෙන තිබෙනවා.

පාස්කු ප්‍රහාරය වැළැක්වීමට පියවර නොගැනීමේ වරදට අපරාධ නීතිය යටතේ නඩු පැවරීමට අපේක්ෂා කරන පුද්ගලයන් ගැන තීරණයක් ගෙන ඒ පිළිබඳ වාර්තාවක් අප්‍රේල් 16 වැනිදාට ශ්‍රේෂ්ඨාධිකරණයට ඉදිරිපත් කරන ලෙස අගවිනිසුරුවරයා ඊයේ (8 වැනිදා) නීතිපතිවරයාට නියෝග කළේය.

පාස්කු ප්‍රහාරය සිදුකළ පුද්ගලයින් හා ඔවුන්ට මුදල් ලැබුණු ආකාරය පිළිබඳව අන්දෝලත්මක ප්‍රකාශයක් සිදු කළ සමගි ජනබලවේගයේ පාර්ලිමේන්තු මන්ත්‍රී අශොක් අබේසිංහට අද (09) දිනයේ අපරාධ පරීක්ෂණ දෙපාර්තමේන්තුව වෙත පැමිණ ඒ පිළිබඳ ප්‍රකාශයක් ලබාදෙන ලෙස දැනුම් දුන්නද ඔහු අද දිනයේ පැමිණ නොමැති බවයි වාර්තා වෙන්නේ.