පාස්කු ප්‍රහාරයේ චූදිතයන්ට කරන දේ ගැන කැබිනට් තීන්දුව හෙට.
පාස්කු ඉරිදා බොම්බ ප්‍රහාරයේ චූදිතයන් කවුද යන්න සම්බන්ධයෙන් සොයා බැලු ජනාධිපති කොමිසම් සභා වාර්තාවේ නිදේශයන් අනුව නම්කර තිබෙන චූදිතයන්ට එරෙහිව ගන්නා පියවරයන් ගැන හෙට දින කැබිනට් මණ්ඩල රැස්වීමේදී සාකච්ඡාකර තීන්දුවක් ගැනීමට නියමිතය.
සාමාන්‍ය පෙළ විභාගයේ ප්‍රායෝගික පරීක්ෂණ අත්හිටුවයි
2020 සාමාන්‍ය පෙළ විභාගයේ ප්‍රායෝගික පරීක්ෂණ අත්හිටුවා ඇති බව විභාග දෙපාර්තමේන්තුව සදහන් කරනවා.
මත්ද්‍රව්‍ය සම්බන්ධයෙන් ඊයේ දිනයේ (05) විශේෂ වැටලීම් කිහිපයක් සිදුකළ බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රෝහණ සදහන් කරයි.
බැංකු ගිණුම් හිමියන්ට නොදන්වා මුදල් අයකර ගත් බැංකු වලට එරෙහිව දැඩි පියවර
ඇතැම් බැංකු ගිණුම් හිමියන්ට නොදන්වා මුදල් අයකර ගැනීමේ සිදුවීම් සම්බන්ධයෙන් සොයාබලා ඊට එරෙහිව දැඩි පියවර ගන්නා බව මුදල් හා ප්‍රාග්ධන වෙළඳපොළ සහ රාජ්‍ය ව්‍යවසාය ප්‍රතිසංස්කරණ රාජ්‍ය අමාත්‍ය අජිත් නිවාඩ් කබ්රාල් ප්‍රකාශ කර තිබෙනවා.
2020 කිරිපිටි ආනයනය සීමාකිරීමෙන් රු.බිලියන 50 ක ඉතිරියක්
ශ්‍රී ලංකාවට 2020 දී ඇමරිකානු ඩොලර් මිලියන 300 ක් (රුපියල් බිලියන 50 කට ආසන්න ප්‍රමාණයක්) විදේශයන්ගෙන් කිරිපිටි ආනයනය නොකිරීමෙන් ඉතිරි කර ගැනීමට හැකි වී තිබේ. මෙය COVID-19 වසංගතය හේතුවෙන් අත්කරගත් වැදගත් ධනාත්මක තත්වයකි. රේගු දත්ත වලට අනුව පසුගිය වසරේ ශ්‍රී ලංකාව සීමිත ප්‍රමාණයකින් කිරිපිටි ආනයනය කර ඇති නමුත් මෙරට නිශ්පාදිත කිරි ආහාරවලට වැඩි උනන්දුවක් ජනතාව තුළ දැන් වර්ධනය වෙමින් තිබේ.
සාමාන්‍ය ජනතාව සඳහා කොවිඩ් එන්නත් ලබාදීම මාර්තු මස පළමු සතියේ සිට
සාමාන්‍ය ජනතාව සඳහා කොවිඩ් එන්නත් ලබාදීම මාර්තු මස පළමු සතියේ සිට ඇරඹිය හැකි බව වසංගත රෝග හා කොවිඩ් රෝග පාලන කටයුතු රාජ්‍ය අමාත්‍ය විශේෂඥ වෛද්‍ය සුදර්ශනී ප්‍රනාන්දුපුල්ලේ ප්‍රකාශ කර තිබෙනවා.
එන්නත් වලින් කිසිදු ප්‍රධාන අතුරු ආබාධයක් මෙතෙක් වාර්තා වී නොමැති බව ඊයේ (05) මාධ්‍ය වෙත අදහස් දක්වමින් අමාත්‍යවරිය සඳහන් කර ඇත.
සුළු අතුරු ආබාධ ලෙස උණ සහ ඇඟේ අමාරුව වැනි රෝග ලක්ෂ පැවතුනද එය සමාන්‍ය දෙයක් බවත් එහිදි සඳහන් කර ඇත.
එන්නත ලබාදීමෙන් අනතුරුව වාර්තාවන ආසාදිතයන් ගණන අඩුවිය හැකි බවත් මෙහිදී PCR සහ ඇන්ටිජන් පරික්ෂණ සංඛ්‍යාව ද අඩුකළ හැකි බව අමාත්‍යවරිය සඳහන් කළා .
-පංචාලි අබේසේකර
ජාතික සමගිය හා සංහිඳියා කාර්යාංශයේ නව සභාපතිවරයා ඇතුළු අධ්‍යක්ෂක මණ්ඩලය පත්කර තිබේ.
ඇවන්ට්ගාර්ඩ්, daily mirror එකත් සල්ලිවලට අරගෙනද? මාධ්‍ය ගණිකාවන් ගැන හෙළිදරව්වක්.
ඇවන්ට්ගාර්ඩ් ආයතනය ගැන dailymirror ඉංග්‍රීසි පුවත්පතට අයත් එම වෙබ් අඩවියේ පළවූ ලිපියක් පසුව එම ආයතනය විසින් ඉවත් කිරීම සම්බන්ධයෙන් dailymirror පාලනාධිකාරිය, ඇවන්ට්ගාර්ඩ් අධිපතිවරයාගෙන් මුදල් ලබාගෙන එය ඉවත් කර ඇති බවට චෝදනාවක් එල්ලවී තිබේ. මෙම චෝදනාව සිදු කරන්නේ colombo telegraph වෙබ් අඩවියයි. මෙම වෙබ් අඩවිය ජේෂ්ඨ මාධ්‍යවේදියකු වන උවිඳු කුරුකුලසූරිය විසින් පවත්වගෙන යන්නකි.
