මෙම අවසන් වාර්තාව මේ වන විට ජනාධිපතිවරයාට බාර දී ඇති අතර එහි තවත් පිටපත් 7 ක් ඇති බව වාර්තා විය. නමුත් මෙම වාර්තාවේ අඩංගුව මෙතෙක් හෙළිදරව් කර නොමැත. ඇතැම් මාධ්‍ය වාර්තාවකට අනුව එවකට හිටපු ජනාධිපති මෛත්‍රීපාල සිරිසේන, හිටපු අගමැති රනිල් වික්‍රමසිංහ, හිටපු ආරක්ෂක ලේකම් හේමසිරි ප්‍රනාන්දු, හිටපු පොලිස්පති පූජිත ජයසුන්දර සහ හිටපු බුද්ධි අංශ ප්‍රධානී සිසිර මෙන්ඩිස් යන අයට සහ බුද්ධි අංශවලට සම්බන්ධ පොලිස් නිලධාරීන් විසි දෙනෙකුට පමණ එරෙහිව අපරාධ චෝදනා ගොනු කිරීම සහ පොලිස් දෙපාර්තමේන්තු මට්ටමින් දඬුවම් කිරීමට නියමිතය.
එසේම මෙතෙක් මෙම වාර්තාවේ පිටපතක් නීතිපතිවරයා වෙත ලබා දී නැති බවත් හෙට කැබිනට් තීන්දුවෙන් පසුව අවශ්‍ය නීතිමය පියවර ගැනිම සඳහා නීතිපතිවරයා වෙත ලබා දෙනු ඇති බවත් වාර්තාවේ.
පසුගියදා අගරදගුරු මැලිකම් රංජිත් හිමිපාණෝ මෙම වාර්තාව් ප්‍රසිද්ධ කරන ලෙසද ජනාධිපතිවරයාගෙන් ඉල්ලා සිටියෝය.එහෙත් මෙම වාර්තාව තුල අඩංගු රාජ්‍ය ආරක්ෂාව සම්බන්ධයෙන් වන සංවේදී තොරතුරු නිසා මෙය සම්පූර්ණයෙන්ම ප්‍රසිද්ධ නොකෙරෙනු ඇති බවත් පැවසේ.
කෙසේ නමුත් පාස්කු ප්‍රහාරයෙන් ජීවිතය අහිමි කර ගත් 270 දෙනා සහ තුවාලකරුවන් වෙනුවෙන් යුක්තිය ඉ‍ටු වීම ගැන සමස්ත ලෝකයම මෙම ප්‍රහාරය පිළිබඳ රජය ගන්නා පියවරයන් දෙස බලා සිටිති. එසේම මෙය වත්මන් පාලක පක්ෂයට දේශපාලනික වශයෙන් තදින්ම බලපවත්වන කරුණක් ද වී තිබේ.
