රණවිරු සේවා අධිකාරියේ නව සභාපතිණිය ලෙස අනෝමා ෆොන්සේකා මහත්මිය සහ උප සභාපති ලෙස උපුලාංගනී මාලගමුව මහත්මිය අද (23)දින සුභ මොහොතින් වැඩ බාරගත්හ. මෙම අවස්ථාවේදී ආබාධිත සෙබලුන් 4දෙනකුට ත‍්‍රීවීල් රථ පරි්ත්‍යාග කිරීමක්ද සිදුවිය.
රාජපක්ෂලාව අත්අඩංගුවට ගන්නේ නිදහස් කරන්න නෙවෙයි - හර්ෂ
පසුගිය ජනාධිපතිවරණ සමයේදී මෛත්‍රීපාල සිරිසේන මහතා සහ ඔහුට සහය දුන් කණ්ඩායම් රාජපක්ෂ පවුල් පාලනයට එරෙහිව දූෂණ, වංචා හා අපරාධ චෝදනා රැසක් එල්ල කළ මුත් මෙම දූෂිතයින් අත් අඩංගුවට ගැනීමක් හෝ නීතිමය ක්‍රියා මාර්ගයක් තවමත් සිදු නොවීම සම්බන්ධයෙන් ප්‍රතිපත්ති සම්පාදන හා ආර්ථික කටයුතු පිළිබද නියෝජ්‍ය අමාත්‍ය ආචාර්ය හර්ෂ ද සිල්වා මහතාගෙන් ලංකාඩේලී කළ විමසීමකදී ඔහු පැවැසූවේ අදාල වංචා දූෂණ සම්බන්ධයෙන් නිවැරදී සාක්ෂි සියල්ල ගොනු කර ගැනීමකින් තොරව අත් අඩංගුවට ගැනීමක් හෝ නඩු පැවරීමකදී එම දූෂිතයන්ට නිදහස් වීමේ ඉඩකඩ වැඩි බවය. මේ නිසා දුෂිතයන්ට නිසි දඬුවම් ලබා දීමට අවශ්‍ය සාක්ෂි සහිතව නීතිමය පියවර ගැනීම විය යුතු බවද ඔහු පවසයි.
මන්නාරම් ද්‍රෝණියේ ඩොරුඩෝ නම් ළිඳේ ගෑස් හමුවී ඇති බවත්, ඒවා තව වසර දෙකකින් එනම් 2018 වනවිට වාණිජ කටයුතු සඳහා ලබාගැනීමට කටයුතු කරන බව විදුලිබල හා බලශක්ති අමාත්‍ය පාඨලී චම්පික රණවක මහතා පවසයි.
යහපාලනයට ඇමැතිවරු 100 ක්. මැතිවරණය වසර 2 කට කල් යයි ?
ශ්‍රීලනිප පාර්ලිමේන්තු මන්ත්‍රීවරුන් සඳහා මීගමුවේ පිහිටි පෞද්ගලික හෝටලයක ඊයේ (22) සහ පෙරේදා (21) පැවති වැඩමුළුවේදී ජාතික ආණ්ඩුවක් පිහිටුවීම සම්බන්ධයෙන් විශේෂ අවධානයක් යොමුවී ඇති අතර, ඒ අනුව නව ජාතික ආණ්ඩුවේ ඇමැතිවරුන් සංඛ්‍යාව 45 දක්වා ඉහළ දැමීමටත් නියෝජ්‍ය ඇමැතිවරුන් 55ක් දක්වා වැඩි කිරීමටත් යෝජනා වී තිබේ.
මහින්දට ශ්‍රීලනීපයෙන් නාමයෝජනාත් නෑ. ලැයිස්තුවත් නෑ
හිටපු ජනාධිපති මහින්ද රාජපක්ෂ මහතාට එළඹෙන මහ මැතිවරණයෙදී නාමයෝජනා ලබා දීම හෝ ජාතික ලැයිස්තු මන්ත්‍රීධුරයහෝ ලබා නොදිය යුතු බව ශ්‍රීලනීපයේ පාර්ලිමේන්තු මන්ත්රී කණ්ඩායමේ අති බහුතරයකගේ මතය වී තිබේ.
ජාතික නිදහස් පෙරමුණේ නායක, පාර්ලිමේන්තු මන්ත්රී විමල් වීරවංශ මහතා අද (23)අපරාධ විමර්ශණ දෙපාර්තමේන්තුව වෙත කැඳවා අැත.
හිටපු ජනාධිපති මහින්ද රාජපක්ෂ මහතා බැහැදැකීමට යන පිරිස්‌ සඳහා නොමිලේ ප්‍රවාහන පහසුකම් සපයන බව සඳහන් කරමින් බස්‌නාහිර පළාත් හිටපු ඇමැති උදය ගම්මන්පිල මහතාගේ බිරිඳගේ දුරකථන අංකය සඳහන් කර ව්‍යාජ ලෙස අන්තර්ජාල වෙබ් අඩවියක පළකර ඇතැයි වාර්තා වේ.
මැතිවරණ ක්‍රමය වෙනස් කරන තෙක් මැතිවරණයක් නොපැවැත්විය යුතුයි - ශ්‍රීලනිපය
විධායක ජනාධිපති ක්‍රමය සංශෝධනය කර ඉදිරියට ගෙනයන අතර මැතිවරණ ක්‍රමය සංශෝධනය කරන තෙක් මැතිවරණයක් නොපැවැත්විය යුතු බවට තීරණය කළ ශ්‍රී ලංකා නිදහස් පක්ෂය ජාතික ආණ්ඩුවක් ලෙස ඉදිරියට වැඩ කිරීමටද එකඟතාව පළකර තිබේ.
