ශ්‍රී ලංකාවේ උසස් අධ්‍යාපන ක්ෂේත්‍රය ආර්ථිකයට විදේශ විනිමය උපයා දෙන ආදායම් උත්පාදකයක් බවට පරිවර්තනය කළ යුතු යැයි ජනාධිපති ගෝඨාභය රාජපක්ෂ මහතා කොළඹ බණ්ඩාරනායක අන්තර්ජාතික සම්මන්ත්‍රණ ශාලාවේ ශ්‍රීමත් ජෝන් කොතලාවල ආරක්ෂක විශ්වවිද්‍යාලයේ 2021 උපාධි ප්‍රදානෝත්සවයට ඊයේ (09) එක්වෙමින් පවසා ඇත.

මෙරට ක්‍රියාත්මක සමානුපාතික මැතිවරණ ක්‍රමය යටතේ වන අසාධාරණ, නීත්වාරෝධී මැතිවරණ මෙහෙයුම් සම්බන්ධයෙන් වන බරපතල චෝදනාවක් වී තිබුණේ අධික පිරිවැයක් දරමින් ඇතැම් මැතිවරණ අපේක්ෂකයින්, පක්ෂ කණ්ඩායම් විසින් කරන එම මැතිවරණ ව්‍යාපාර නිසා සෙසු අපේක්ෂකයන්ට සිදුවන අසාධාරණයය.

ශ්‍රී ලංකාව හරිත රටක් බවට පත් කිරීම සඳහා හඳුනා ගෙන ඇති ප්‍රමුඛතා ක්‍රමවත් ලෙස හා තිරසර ලෙස ඉටු කිරීමට “හරිත කෘෂිකර්ම ක්‍රියාන්විත මධ්‍යස්ථානයක්” පිහිටුවීමට ජනාධිපති ගෝඨාභය රාජපක්ෂ තීරණය කර තිබෙන බව ඊයේ වාර්ථා විය.

වාරි සෞභාග්‍යයා වැඩසටහන යටතේ වව්නියාවේ වැව් 100ක ප්‍රතිසංස්කරණ කටයුතු මේ වන විට අවසන් වෙමින් පවතිනවා.

කර්මාන්ත අමාත්‍යාංශය සහ එක්සත් ජාතීන්ගේ කාර්මික සංවර්ධන සංවිධානය (UNIDO) අතර ශ්‍රී ලංකාවේ තිරසර කාර්මික සංවර්ධනය සදහා වන ඒකාබද්ධ යෝජනාවලියට අත්සත් තබා තිබෙනවා.

ශ්‍රී ලංකාව තුළ කාති උසවිත්, බාලවයස්කාර මුස්ලිම් විවාහත් තහනම් කරන බව අධිකරණ අමාත්‍ය අලි සබ්‍රි ප්‍රකාශ කරයි. අමාත්‍යවරයා මේ බව ප්‍රකාශ කර ඇත්තේ දිවයින පුවත්පතහි පැවැති සම්මුඛ සාකච්ජාවකට එක් වෙමිනි.

මේ වසරේ මෙරටට පැමිණි විදේශීය සංචාරකයින්ගේ සංඛ්‍යාව ලක්ෂය ඉක්මවා තිබේ. නොවැම්බර් පළමු වනදා සිට පසුගිය 28 වනදා දක්වා සංචාරකයින් 41,177 දෙනෙකු මෙරටට පැමිණ ඇති බව සංචාරක අමාත්‍යංශය සදහන් කරයි.

ඊයෙ පෙරේදා තිරිඟු පිටි මිළ ඉහළ දැමීමක් සිදු කර තිබේ. ඒ අනුව පාන් සහ පිටි ආශ්‍රිත කෑම වර්ගවලද මිළ ඉහළ දැමීමට එම නිශ්පාදකයන් කටයුතු කර තිබේ. තිරිඟු පිටි නැතිනම් පාන් පිටි මිළ ඉහළ යාම සෘජුව පාලනය කිරීමට ශ්‍රී ලංකාව වැනි රටකට සිදු කළ නොහැක. ඒ තිරිඟු වගාවක් මේ රටේ සිදු නොවන බැවින් එම පිටි විදේශයන්ගෙන් ගෙන්වීමට සිදුව තිබෙන නිසාය. ඒ අනුව ලෝක වෙළඳපොළේ තිරිඟු පිට ඉහළ පහළ යන වාරයක් පාසා මෙරට තිරිගු පිටි මිළ ඉහළ පහළ යයි. එය සාමාන්‍ය තත්වයකි.