ඉන්දුනීසියාව මැලේසියාව සහ තායිලන්තය යන රටවල් නියෝජනය කරමින් විදෙස් අමාත්‍යවරු එක්ව සාකච්ඡාවක් පැවැත්වීමෙන් පසුවයි ඔවුන් මෙම එකඟතාවට පැමිණ තිබෙන්නේ.
එකඟතාවට අනුව වසරක් ඇතුළත මෙම සංක්‍රමණිකයන් නිසි ලෙස නැවත පදිංචි කිරීමට ජාත්‍යන්තර ප්‍රජාව කටයුතු කළ යුතුයි.
සංක්‍රමණිකයන් වෙනුවෙන් වූ ජාත්‍යන්තර සංවිධානයේ මාධ්‍ය ප්‍රකාශක ජෙෆ් ලැබෝවිට්ස් පැවසුවේ නැවත පදිංචි කිරීම් යටතේ මෙම සංක්‍රමණිකයන් භාර ගන්නේ කවුරුන්ද යන්න තවමත් තීරණය වී නොතිබුනත් තාවකාලිකව ඔවුන්ට සෙවන ලබා දීමට එකඟ වීමෙන් බොහෝ ජීවිත බේරා ගත හැකි බවයි.
මේ අතර සංක්‍රමණිකයන් හාරසීයක් පමණ රැගත් බෝට්ටුවක් තායිලන්තය සහ මැලේසියාව අතර මුහුදේ අත්හැර දමා තිබූ අතර මේ වන විට බෝට්ටුව ඉන්දුනීසියාවේ අචේ මුහුදු වෙරළට පැමිණ තිබේ.
මියන්මාරයේ රෝහින්ග්‍යා ජනතාව රැගත් මෙම බෝට්ටුව මාස දෙකහමාරකට අධික කාලයක් මුහුදේ පාවෙමින් තිබුණි.
එම බෝට්ටුවේ පැමිණි සංක්‍රමණිකයන් මානව හිමිකම් ක්‍රියාධරයන් සමග පවසා තිබෙන්නේ, සිය බෝට්ටුවේ එන්ජිම ක්‍රියා විරහිතව තිබූ අතර කිහිප වතාවක් මැලේසියා සහ ඉන්දුනීසියානු නාවික හමුදාව මගින් සිය බෝට්ටුව මුහුද මැදට ඇදගෙන ගොස් දැමුණ බවයි.
(bbc)
