ලක්සම්බර්ග් නුවරට රැස්වූ මේ ඇමතිවරුන්ගේ මූලික අවධානය යොමුව ඇත්තේ යුරෝපයේ රටවල් 28 ට ම සමාන ලෙස සංක්‍රණිකයන් පැමිණීම වැලැක්වීම සඳහා ආරක්ෂාව තහවුරු කිරීමයි.නමුත් මෙවැනි වැඩපිළිවෙලක් ඉතාලිය, ග්‍රීසිය හා මෝල්ටාව වැනි රටවල්වලට අධික බරක් බව එම රටවල නායකයන් පවසයි.
එසේම සමහර යුරෝපා රටවල් එසේ පැමිණෙන සංක්‍රමණිකයන් ඔවුන් ජීවත්වීමට අකමැති රටවල් වෙත යාමට බලකිරීම වැරදි බවට මතයක් පළ කර තිබේ.
මේ වසර තුල පමණක් මධ්‍යධරණී මුහුද හරහා යුරෝපයට සංක්‍රමණය වීමට උත්සාහ ගත් සංක්‍රමණිකයින් 1800ක් පමණ මිය ගොස් ඇත. මෙය 2014 වසරේ මේ කාලය වනවිට සිදු වූ අනතුරුවලට වඩා 20 ගුණයක වැඩි වීමකි.
මේ අතර ඉතාලිය සහ ග්‍රීසිය මේවසරේ පමණක් තම රටවලට 10000ක සංක්‍රමණිකයන් පිරිසක් පැමිණ ඇති බැවින් වෙනත් යුරෝපා රටවල් ඉන් කොටසක් බාරගන්නා ලෙස ඉල්ලීමක් කර ඇත.
