පසුගිය 10 වෙනිදා ජනාධිපතිවරයා විසින් නිකුත් කළ ගැසට් නිවේදනය මඟින් මෙම පවරා ගැනීම හදිස්සියෙම සිදු කොට තිබිණි .එහෙත් අවම වශයෙන් විශයභාර ඇමැති රුවන් විජේවර්ධන හෝ මේ සම්බන්ධයෙන් දැනුම්වත් කර තිබුණේ නැත. මෙම පවරා ගැනීම එජාපයේ අභ්‍යන්තර දේශපාලන අර්බුධයේ ප්‍රතිපලයක් බවට නැගෙන අදහස ඇමැති රාජිත ප්‍රතික්ෂේප කරයි. සජිත් ප්‍රේමදාස මහතා ජනාධිපතිවරණයට තරග කිරීමට දරණ උත්සාහය සහ ජනාධිපතිවරයා ඔහුට සහය පළ කරන ස්ථාවරයේ සිටීම මත මෙම පවරා ගැනිම සිදු කරන්නට හේතුවක් විය හැකි බවට මතයක් පසුගිය දිනවල පැතිර තිබිණි.
කෙසේ නමුත් ඇමැතිරයා සඳහන් කරන්නේ මේ සම්බන්ධයෙන් ජනාධිපතිවරයා සහ අගමැතිවරයා අතර ගැ‍ටුමක් නොවිය යුතු බවය.
කෙසේ නමුත් මෙම පවරා ගැනීම සම්බන්ධයෙන් මාධ්‍ය සංවිධාන ගනනාවක්ද විරෝධය පලවී තිබිණි.
මෙම සිදු වීමට ආසන්න හේතුව වී තිබුණේ රූපවාහිනී සංස්ථාවේ සභාපතිනි ඉනෝකා සත්‍යාංගනී ඉවත් කර වෙනත් සභාපතිවරයකු පත් කිරීමට ඇමැති රුවන් විජේවර්ධන කටයුතු කිරීම නිසා ඇතිව තිබූ ගැ‍ටුම්කාරිත්වයය..
ජාතික රුපවහිනියේ සභාපතිධුරය උසුලන ඉනෝකා සත්‍යාංගනී මහත්මියට එම ධුරයෙන් ඉවත් වන ලෙස මිට පෙර ද ඇමැති රුවන් විජේවර්ධන විසින් නියෝග කර තිබුණත් රාජ්‍ය ඇමැතිවරයකුට එවැනි නියෝග ලබා දිමට අයිතියක් නොමැති බව කියමින් සත්‍යාංගනී මහත්මිය තව දුරටත් එම ධුරයෙහි කටයුතු කරමින් සිටියාය. සංස්ථා සහ ව්‍යවස්ථාපිත මණ්ඩල සඳහා සභාපතිවරුන් සහ අධ්‍යක්ෂ මණ්ඩල සාමාජිකයන් පත් කිරීම සම්බන්ධයෙන් වන කමි‍ටුව ද නව යෝජනා ප්‍රතික්ෂේප කර තිබිණි. ඉනෝකා සත්‍යාංගනී ඉවත් කිරීම සම්බන්ධයෙන් ජනාධිපතිවරයාගේ කැමැත්ත හිමිව තිබුණේ නැත.
ඉනෝකා සත්‍යාංගනී රුපවාහිනී සභාපතිධුරය පත් කරනු ලැබුවේ එවකට ජනමධ්‍ය ඇමැති මංගල සමරවීර විසිනි.
සැබැඳි පුවත්:
ජාතික රුපවාහිනියේ කචල්... රුවන්ගේ සභාපති යකා නටයි
ජාත්‍යන්තරයට උත්තර දෙන්න ඉන්දියානු සමාගමකට කොන්ත්‍රාත් දීලා. ලේක්හවුස් සල්ලිත් අදියි.
ජාතික රූපවාහිනී අධ්‍යක්ෂ ජනරාල් නළුකමට, ජනපතිගේ ආසාවලු ...
රුපවාහිනිය නාය යන ලකුණු.. අධ්‍යක්ෂ ජනරාල් උසාවියේ පදිංචි වෙයි
