පසුගියදා එජාපයේ මහ ලේකම් අකිල විරාජ් කාරියවසම් ප්‍රමුඛ කණ්ඩායමක් මැතිවරණ අපේක්ෂකයන් සහ එජාප ක්‍රියාකාරිකයන් සමඟ පැවැත්වූ සාකච්ඡාවේදී මෙම ඉල්ලීම කර තිබේ.
ඇල්පිටිය ප්‍රාදේශීය සභා මැතිවරණය සදහා සුදන්ම්වීම වෙනුවෙන් සැප් 14 වනදා මෙම විශේෂ සාකච්චාව ඇල්පිටියේදී පැවැත් විය. මෙම අවස්ථාවට අමාත්‍ය වජිර අබේවර්ධන , අමාත්‍ය දයා ගමගේ , අමාත්‍ය ගයන්ත කරුණාතිලක සහ පාර්ලිමේන්තු මන්ත්‍රීවරුන් වන බන්දුලාල් බණ්ඩාරිගොඩ , විජේපාල හෙට්ටිආරච්චි , සිරිකොත ප්‍රධාන විධායක නිලධාරී ශමල් සෙනරත්, කෘත්‍යාධිකාරී මණ්ඩල සභික ලසන්ත ගුනවර්දන ඇතුළු නියෝජිතයින් රැසක්, එජාප ප්‍රාදේශීය ක්‍රියාකාරිකයන් සහ ප්‍රාදේශීය සභා අපේක්ෂක අපේක්ෂිකාවන්ද සහභාගී විය .
එජාපය තුල අර්බුධ තබා ගෙන ජනතාව අතරට යා නොහැකි බවත් ප්‍රදේශයෙ එජාප පාක්ෂිකයන් හිතවතුන් ජනාධිපති අපේක්ෂකයා ලෙස සජිත් ප්‍රේමදාසව ඉල්ලා සිටින බවත් මෙහිදී ඔවුන් අවධාරණය කර තිබේ. එහෙත් එම ඉල්ලීම නොතකා එම රැස්වීමේ කටයුත් කරගෙන යෑමට මහ ලේකම් වරයා ඇතුලු පිරිස උත්සහ ගත්තද එජාප ප්‍රාදේශිය ක්‍රියාකාරිකයන් නැවත නැවත අවධාරණය කර ඇත්තේ සජිත් ප්‍රේමදාස ජනාධිපති අපේක්ෂක්යා ලෙස නම් කළ යුතු බවය. මේ නිසා එම රැස්වීමේ කටයුතුද අතර මඟ නවතා දැමීමට සිදුවූ බවත් ඇල්පිටියේ එජාප ක්‍රියාකාරිකයන් පවසයි.
