ජනතා විමුක්ති පෙරමුණ විසින් පාර්ලිමේන්තුවට ඉදිරිපත් කර තිබෙන 20 වන ආණ්ඩුක්‍රම ව්‍යවස්ථා සංශෝධන කෙ‍ටුම් පත අනුව ඊට පාර්ලිමේන්තුවේ තුනෙන් දෙකේ බහුතර කැමැත්ත ලබා ගෙන.ශ්‍රේෂ්ඨාධිකරණයේ තීන්දුව අනුව ජනමත විචාරණයකට ගොස් විධායක ජනාධිපතිධුරය අහොසි කිරීම මේ අනුව සිදුවෙයි.
මේ සදහා මුල් අවස්ථාවේදී විපක්ෂ නායක මහින්ද රාජපක්ෂගේ අකමැත්ත ප්‍රකාශ වී තිබුණත් මේ වන විට සිය අපෙක්ෂකයා වූ නන්දසේන ගොඨාභය රාජපක්ෂට ජයග්‍රහණය කිරීමට නොහැකි වට පිටාවක් ඇති බැව් තහවුරු වීම සහ ඔහුගේ අපේක්ෂකත්වය අවලංගු විය හැකි බවට තිබෙන සැකය නිසා මහින්ද රාජපක්ෂ ද විධායකය අහෝසි කිරීමේ යෝජනාවට එකඟ වෙනු ඇති බව පැවසේ.
එළඹෛන ජනාධිපතිවරණය සම්බන්ධයෙන් ප්‍රධාන පක්ෂ තුනෙහිම ඇති ව්‍යාකූලභාවය නිසා කාගෙ කාගෙත් ගැලවිල්ලට හොඳ විසඳුම එම ධුරය අහෝසි කර පාර්ලිමේන්තුව හරහා නාමික ජනාධිපතිවරයකු පත් කිරීම බව මෙම නායක ත්‍රිත්වයේ අදහස වී තිබේ. එම නාමික ජනාධිපතිධුරය මෛත්‍රීපාල සිරිසේනටම ලබා දීමේ එකඟතාවයක් ද ඇතිව තිබෙන බවත් දැනගැනීමට ඇත.
