මඟ නැගුම සමාගමේහි පිරිස් බල ඇස්මේන්තුව අනුවත් නොපවතින තනතුරක් වෙනුවෙන් නව පත් කිරීම සිදු කිරීමද මෙහි ඇති අනෙක් කාරණයයි. සභාපතිවරයාගේ පෞද්ගලික සහකර තනතුර විධායක ශ්‍රේණියේ තනතුරක් නොවන අතර සභාපතිවරයා විසින් මඟනැගුමේ අධ්‍යක්ෂ මණ්ඩලය මඟින් මෙම කාන්තාව දරණ තනතුර විධායක ශ්‍රේණියේ තනතුරක් බවට පත් කිරීම වෙනුවෙන් අනුමැතිය ලබා ගෙන තිබේ.
දැනට බඳවා ගැනීමේ පටිපාටියට අනුව JM 1-2 වැ‍ටුප් තලයෙ පිහි‍ටුවා ඇති මෙම පෞද්ගලික සහකාර තනතුර MM-1-1 (විධායක ශ්‍රේණියේ) වැ‍ටුප් තලයේ පිහි‍ටුවීම නීති විරෝධී වන අතරම පෞද්ගලික සහකාර තනතුරක් විධායක ශ්‍රේණියේ තනතුරක් බවට පත් කිරීම ලෝක විහිළුවකි.
එහෙත් ඇතැම් විට සභාපතිවරයාව මෙහෙය වීමේ විධායක බලයක් මේ කාන්තාවට තිබෙනවාද යන්න ගැන අප නොදනිමු.
මඟ නැගුමේ ඉදිකිරීම සමාගම යනු මේ රටෙ තිබෙන දූෂිතම රාජ්‍ය සමාගම් වලින් ප්‍රමුඛ තැනක තිබෙන සමාගමකි. එය පසුගිය රාජපක්ෂ පාලන සමයේදී ගොඩ නැගුවේම රාජපක්ෂලාගේ දූෂිත ගනුදෙනු වෙනුවෙනි.. එය වත්මන් යහපාලන ආණ්ඩුවද එලෙසම පවත්වාගෙන ගිය අතර මහා මාර්ග ඇමැතිවරයාගේ සිට මාර්ග සංවර්ධන අධිකාරියේ ලොක්කන්ටත් මඟ නැගුමේ ලොක්කන්ටත් හිතේ හැටියට මුදල් ගසා කෑමේ හැකියාව ලබා දී තිබෙන ආයතනයකි.
මග නැගුමේ ව්‍යාපෘති නියොජ්‍ය සාමාන්‍යාධිකාරීවරයා ලෙස කටයුතු කරන උදය නැමැත්තාට එරෙහිව තිබෙන දූෂණ වංචා චෝදනා ප්‍රමාණයම රුපියල් බිලියනය ඉක්මවන බව එම ආයතන තොරතුරු පෙන්වා දෙයි. එම පුද්ගලයාව මඟ නැගුවේ සාමාන්‍යාධිකාරීවරයා ලෙස පත් කිරීමටද පසුගිය කාලයේ විශාල උත්සාහයක් ගෙන තිබිණි.
මාර්ග සංවර්ධන අධිකාරියේ සභාපතිවරයාට එරෙහිවද කාලාන්තරයක් මුලුල්ලෙ චෝදනා එල්ල වී ඇති අතර මෙම කණ්ඩායමම මෙම ආයතනය බංකොළොත් කිරීම වෙනුවෙන් කටයුතු කරමින් සිටින බව සේවකයන්ද නිරන්තරයෙන්ම නඟන මැසිවිල්ලක්ව තිබේ.
මේ අතර තමන්ට එරෙහිව සේවකයන්ගෙන් නැගෙන චෝදනා යටපත් කර ගැනීම වෙනුවෙන් උදය නැමැත්තා ව්‍යාපෘති අංශයේ කාර්යාල සේවකයන් සියළු දෙනාට රු 5,000 සිට 40,000 දක්වා අලුත් දීමනාවක් ඉදිරි මාස 6 සඳහා ගෙවීමට සූදානම් කර තිබෙන අතර ඊට අධ්‍යක්ෂ මණ්ඩලයේ අනුමැතියද ලබාගෙන තිබේ. මැතිවරණයක් කැඳවා ඇති අවස්ථාවක මෙලෙස රාජ්‍ය සේවකයන් හට අමතර දීමනාවක් ලබා දීමට කටයුතු කළ නොහැක. එය නීතියට පටහැණිය.
