නියෝජ්‍ය පොලිස්පති අජිත් රෝහණ මහතා පැවසුවේ, බීමත් රියැදුරන් අත්අඩංගුවට ගැනීම සඳහා පැය 24 පුරා ක්‍රියාත්මක මෙහෙයුම් සඳහා පොලිස් නිලධාරින් 9000ක් පමණ යොමු කර ඇති බවයි.
එසේම රිය අනතුරුවල වර්ධනයක් දක්නට ලැබෙන බැවින් නිරත්තරව මාර්ගය භාවිත කිරීමේදී ප්‍රවේසමෙන් වාහන පදවන ලෙසත් පොලිස්පතිවරයා ජනතාවට දැනුම් දෙයි.
රිය අනතුරු මගින් ශ්‍රිලංකාවේ වසරකට මියයන සංඛ්‍යාව අතිමහත්ය. ඒ අතරින් වැඩිම ප්‍රමාණයක් අනතුරු සිදුවන්නේ දෙසැම්බර් සිට ජනවාරි දක්වා කාලය තුල බවයි සමීක්ෂණ වාර්තා මගින් හෙළිවී ඇත්තේ. ශ්‍රීලංකාව තුළ රිය අනතුරු යනු ඉතා සුලබව භාවිතා වන වචනයක් වුවද ලොව බහුතරයක් දියුණු රට වල රිය අනතුරු යනු ඉතාම කලාතුරකින් ඇසෙන දුර්ලභ වචනයකි. එයට හේතුව වී ඇත්තේ මාර්ග නීති පද්ධතීන් සම්බන්ධව එම රටවල් දැඩි නීති ක්‍රියාත්මක කිරීම සහ මාර්ග පද්ධතීන් සම්බන්ධව ඉතා දියුණු ක්‍රම වේදයන් අනුගමනය කිරීමය. කෙසේ වුවද ලංකාවේ පවතින මෙම මාර්ග අනතුරු වළක්වාලීමට වත්මන් ජනාධිපතිතුමාට ඇත්ත උවමනාවක් ඇති බව පෙනී යන්නේ ඊට අදාලව පොලිස් මෙහෙයුම් රට පුරා දියත් කිරීමත් සමගය.
