ඒ අනුව මෙරටදී සුවය ලැබූ කොවිඩ් ආසාදිතයින් ගණන 30,000 ඉක්මවා තිබේ.
මේ අතර රාජ්‍ය ඇමතිනී විශේෂඥ වෛද්‍ය සුදර්ශනී ප්‍රනාන්දුපුල්ලේ මහත්මිය සමග පැවති රැස්වීමකදී විශේෂඥවරු පිරිසක් සදහන් කර ඇත්තේ කොවිඩ් වෛරසයට එරෙහිව නිෂ්පාදනය කර ඇති එන්නත මෙරටට ගෙන්වීම මේ මොහොතේ කළයුතු වැදගත්ම කටයුත්තක් බවයි.
එබැවින් අනුමත කළ ඇති එන්නත් ලබාගැනීමට සූදානම් බව ලෝක සෞඛ්‍ය සංවිධානය වෙත දන්වන ලෙස ද වෛද්‍ය විශේෂඥයින් විසින් එහිදී ඉල්ලීම් කර තිබේ.
කොවිඩ්-19 පාලනය කිරීම සඳහා තීන්දු තීරණ ගැනීමේදී විද්‍යාත්මක පසුබිමක සිට එය කළයුතු බවත් වසංගතය භිෂණයක් කර නොගත යුතු බවත් ප්‍රනාන්දුපුල්ලේ මහත්මිය එම රැස්වීමේදී සඳහන් කළ බව වාර්තා වේ.