ශ්‍රී ලංකා වරාය අධිකාරියේ නැගෙනහිර පර්යන්තය, කළමනාකරණ අයිතිය හෝ අයිතියෙන් කොටසක් විදේශීය සමාගමකට පැවරීමට තීරණය කර නොමැති බව අග්‍රාමාත්‍ය මහින්ද රාජපක්ෂ මිට සුළු වේලාවකට පෙර පාර්ලිමේන්තුවේදී ප්‍රකාශ කර තිබේ. අග්‍රාමාත්‍යවරයා මේ බව ප්‍රකාශ කර ඇත්තේ අද පාර්ලිමේන්තුවේදී ජ.වී.පෙ නායක අනුර කුමාර දිසානායක ඉදිරිපත් කල ප්‍රශ්නයකට පිළිතුරු වශයෙනි.
පසුගිය දිනවල නැගෙනගිර පර්යන්තය සම්බන්ධයෙන් ශ්‍රී ලංකා වරාය අධිකාරියේ සභාපති ජනරාල් දයා රත්නායක මාධ්‍ය හමුවකදී මේ පිළිබද අදහස් දක්වමින් කියා සිටියේද නැගෙනහිර පර්යන්තය වෙනත් රටකට විකිණීමේ කිසිඳු සැලසුමක් නැති බවයි. එසේම වරායේ නැගෙනහිර පර්යන්තයේ ඉදිකිරීම් කටයුතු පසුගිය යහපාලන සමයේ විවිධ හේතුන් මත ඉතිරි ගොඩනැගිලි ඉදි කිරීම් නතර කර තිබු අතර මෙම පර්යන්තය සම්බන්ධයෙන් සොයා බලා අවශ්‍ය විසදුම් යෝජනා කිරීමට කැබිනට් මණ්ඩලය කමිටු දෙකක් පත්කර තිබෙන බවත්, එම කමිටු වාර්තාවට අනුව රජය ඉදිරි පියවර ගන්නා බවත් ඔහු සදහන් කර සිටියා .
