සමස්ත ලංකා සුළු හා මධ්‍ය පරිමාන සහල් නිෂ්පාදකයින්ගේ සංගමයේ නියෝජිතයින්, මැති ඇමැතිවරුන් හා රාජ්‍ය නිලධාරීන් සමඟ පාර්ලිමේන්තු කමිටු කාමර 02 දී පැවති සාකච්ඡාවකට එක් වෙමින් අග්‍රාමාත්‍යවරයා ඒ බව සදහන් කර තිබේ.
මහා පරිමාන සහල් නිෂ්පාදකයින්ගේ ගැටළුවලට පෙර සුළු හා මධ්‍ය පරිමාන සහල් නිෂ්පාදකයින්ගේ ගැටළු විසඳීමට පියවර ගත යුතු බව ද අග්‍රාමාත්‍යවරයා එහිදී අවධාරණය කර තිබේ.
රටේ දැනට පවතින සහතික කළ වී මිලට අනුව පෙබරවාරි 01 සිට මාස 06 කට බලාත්මක වන පරිදි සහල් සඳහා ස්ථීර පාලන මිලක් ලබා ගැනීම ඇතුළු ඉල්ලීම් කිහිපයක් මුල් කරගනිමින් මෙම සාකච්ඡාව පැවැත්විණි. මෙහි දී සුළු හා මධ්‍ය පරිමාන වී මෝල් හිමියන්ට සහනදායී ආකාරයට ණය ගෙවා දැමීමට අවශ්‍ය පහසුකම් සැලසීම පිළිබඳව ද අවධානය යොමු විය.
