ඒ අනුව ද උදෑසන ඒ වෙනුවෙන් මුල් ගල් තැබීම සිදු කර තිබේ.
මෙම ස්මාරක කඩා බිඳ දැමීම සම්බන්ධයෙන් විශ්වවිද්‍යල සිසුන්ගේ සහ උතුරේ දෙමළ ජනතාවගෙන් විශාල විරෝධයක් එල්ල වූ අතර දකුණේ ජන සමාජයෙන්ද ඊට සැලකිය යුතු විරෝධයක් එල්ල විය. 2018 වසරේ මෙම ස්මාරක පිහි‍ටුවීම සිදුකර තිබිණි. මෙය පසුගිය 08 වෙනිදා රාත්‍රියේ බැකෝ යන්ත්‍ර යොදා විනාශ කිරීමට විරෝධය පා විශ්ව විද්‍යාල සිසුන් උපවාසයක් ආරම්බ කිරීමටද කටයුතු කර තිබිණි. එසේම අද දින් උතුරු පළාතේ හර්තාල් ව්‍යපාරයක් දියත් කිරීමේ සැලසුමක්ද ක්‍රියාත්මකව තිබිණි.
කෙසේ නමුත් ඊයේ රාත්‍රියේදී වි.වි. උපකුලපතිවරයා සහ ශිෂ්‍යයන් අතර වූ සාකච්ඡාවෙන් අනතුරුව නැවත ස්මාරකය ගොඩනැගීමට එකඟ වී තිබේ. ඒ අනුව ශිෂ්‍ය උපවාසයද නතර කෙරිණි.
මළවුන් සිහි කිරෙම පිණිස ඕනැම පුරවැසියකුට අයිතියක් තිබෙන අතර ඒ වැලක්වීමට ක්‍රියාකිරීම මානුෂික නොවේ. උතුර මිය ගිය දෙමළ ජාතිකයන් සැමරීම ගැන මේ තුල දේශපාලනික ආරවුලක් වත්මන් පලනයට තිබිය හැකි නමුදු එම ගැටලුව බේරාගත යුත්තේ මේ මානුෂික අවශ්‍යතා කුඩුපට්ටම් කර දැමීමෙන් නොවේ. ඊට අවශ්‍ය වන්නේ දේශපාලනික විසඳුමකි.
