ඊයේ (19) දිනයේ දී මෙරටින් වාර්තා වු සමස්ත ආසාදිතයින් ගණන 669 ක් වන අතර, ඉන් ආසාදිතයින් 9 දෙනෙක් විදෙස්ගතව සිට මෙරටට පැමිණි අය බව කොවිඩ් - 19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය නිවේදනය කරයි.

කොරෝනා ආසාදිත රෝගීන් තුන් දෙනෙකු මිය යාමත් සමග මරණ සංඛ්‍යාව 273 ක් දක්වා ඉහළ ගියා.

මෙරටින් වාර්තාවන සමස්ත කොරෝනා ආසාදිතයින්ගේ සංඛ්‍යාව 54419ක්. 7552 දෙනෙකු රෝහල්වල ප්‍රතිකාර ලබනවා. පූර්ණ සුවය ලැබූ සමස්ත සංඛ්‍යාව46594ක්.

ඊයේ දිනයේ දී මෙරට සිදුකර ඇති සමස්ත පීසීආර් පරීක්ෂණ සංඛ්‍යාව 14,294 ක් බවයි වාර්තා වෙන්නේ.

මේ අතර මාලදිවයිනේ සිටි ශ්‍රි ලාංකිකයින් 28 දෙනෙකු කටාර් සිටි 110 දෙනෙකු සෞදි අරාබියේ සිටි 76 දෙනෙකු සහ ඉන්දියාවේ සිටි 55 දෙනෙකු අද (20) උදෑසන දිවයිනට පැමිණියා.

ඔවුන් සියලු දෙනා නිරෝධායන මධ්‍යස්ථානවලට යොමු කෙරුණු අතර එම මධ්‍යස්ථාන 96 ක මේ වන විට නිරෝධායනය වන සංඛ්‍යාව අටදහස් එකසිය අසූඅටක්.
.

-පංචාලි අබේසේකර