වනජීවී හා වන සංරක්ෂණ අමාත්‍යාංශයේ ලේකම් බන්දුල හරිස්චන්ද්‍ර පවසන්නේ ආසියානු අලි සංගණනය කිරීම අපහසු බවත්, මෙරට කැලෑ ආශ්‍රිතව අලි 7000ක් පමණ ජීවත් වන බවත්ය. මෙරට දීපව්‍යාප්ත වන අලි සංගණනයක් සිදු කරනු ලැබුවේ 2011 වසරේදී. එම සංගණනයට අනුව වන අලි 5879ක් සිටින බව අනාවරණය විය.
2019 වසරේදීද දීපව්‍යාප්තව අලි සංගණනයක් කිරීමට නියමිත වුවද පැවැති වර්ෂා තත්ත්වය නිසා එය සිදු කිරීමට නොහැකි වූ බවද ලේකම්වරයා සදහන් කර තිබේ.
එමෙන්ම පසුගිය වසරේ මිනිස් ක්‍රියාකාරකම් නිසා මියගිය අලි සංඛ්‍යාව කොපමණදැයි ගණනය කිරීමට අපේක්ෂා කරන බවද අමාත්‍යාංශය සදහන් කරයි.
-පංචාලි අබේසේකර
