එහි දැනට රාජකාරි කටයුතු සදහා වෙනත් නිලධාරීන් පිරිසක් සේවයේ යෙදවීමට කටයුතු කළ බව මහනුවර කොට්ඨාස භාර ජ්‍යෙෂ්ඨ පොලිස් අධිකාරි සුදත් මාසිංහ ප්‍රකාශ කර ඇත.

මේ අතර පල්ලම නගරයේ රාජ්‍ය බැංකුවක මුදල් අයකැමිවරයෙකුට කොවිඩ් ආසාදනයවීම හේතුවෙන් එම බැංකුව තාවකාලිකව වසා දමා තිබේ.
එම ආසාදිතයා මාරවිල ප්‍රදේශයේ පදිංචි අයෙකු බවයි සදහන් වෙන්නේ.

මේ‌ හේතුවෙන් එම බැංකු ශාඛාවේ සේවය කරන 13දෙනෙකු පී.සී.ආර්. පරීක්ෂණයට යොමු කර ඇති අතර, එම පරීක්ෂණ වාර්තා පැමිණෙන තුරු ඔවුන් ස්වයං නිරෝධායනය යොමු කළ බව පල්ලම සෞඛ්‍ය වෛද්‍ය නිලධාරී කාර්යාලය සදහන් කරයි.

මෙම මුදල් අයකැමිවරායාගෙන් සේවය ලබාගත් පාරිභෝගිකයින් පිළිබදවද සෞඛ්‍ය අංශ විසින් තොරතුරු රැස්කරමින් සිටියි.

ඊයේ (26) දිනය තුළ කොවිඩ් - 19 ආසාදිත පුද්ගලයින් 755 දෙනෙකු අලුතින් හඳුනාගත් බව කොවිඩ්-19 පැතිරීම වැළැක්වීමේ ජාතික ක්‍රියාන්විත මධ්‍යස්ථානය පවසයි.

එම පුද්ගලයින් අතරින් 07 දෙනෙකු විදේශගතව සිට මෙරටට පැමිණි ශ්‍රීලාංකිකයන් වන අතර ඉතිරි පුද්ගලයින් 748 දෙනා දේශීයව හඳුනාගත් ආසාදිතයින් ලෙස වාර්තා වේ.

හඳුනාගත් ආසාදිතයින් අතරින් වැඩිම ආසාදිතයින් පිරිසක් කොළඹ දිස්ත්‍රික්කයෙන් වාර්තා වන අතර එම සංඛ්‍යාව 369කි.

ගම්පහ දිස්ත්‍රික්කයෙන් ආසාදිතයින් 124 ක් සහ කළුතර දිස්ත්‍රික්කයෙන් ආසාදිතයින් 80 ක් ලෙස වාර්තා වේ.

අනෙක් ආසාදිතයින් 175 දෙනා දිවයිනේ සෙසු දිස්ත්‍රික්කවලින් වාර්තා වී තිබේ.

ඒ අනුව දිවයිනේ දිස්ත්‍රික්ක 18කින් නව කොවිඩ් ආසාදිතයින් එලෙස වාර්තා වී ඇත.

කොවිඩ්-19 වෛරසය ආසාදනය වු මෙරට සමස්ත ආසාදිතයින් සංඛ්‍යාව 59,921කි.

ඉන් පුද්ගලයින් 51,048 ක් පූර්ණ සුවය ලබා රෝහල්වලින් පිටවගොස් තිබේ.

රෝහල්ගතව සහ අතරමැදි ප්‍රතිකාර මධ්‍යස්ථාන තුළ ආසාදිතයින් 8,588 දෙනෙකු තවදුරටත් ප්‍රතිකාර ලබමින් පසුවේ.

මෙරට තුළ වාර්තා වී ඇති කොවිඩ් - 19 ආසාදිත සමස්ත මරණ සංඛ්‍යාව 288 ක් දක්වා ඉහළගොස් ඇත.

-පංචාලි අබේසේකර