සෞඛ්‍ය සේවා නියෝජ්‍ය අධ්‍යක්ෂ ජන­රා­ල්ව­රයා මේ බව සඳ­හන් කර ඇත්තේ රජයේ ප්‍රවෘත්ති දෙපා­ර්ත­මේ­න්තු­වේදී ඊයේ (27) පැවති විශේෂ මාධ්‍ය හමු­ව­කට එක්වෙ­මින්.

මේ අනුව කොළඹ ජාතික රෝහල, හෝමා­ගම මූලික රෝහල, මුල්ලේ­රි­යාව මූලික රෝහල, අයි.ඩී.එච් රෝහල සහ කොළඹ දකුණ සහ කොළඹ උතුර ශික්ෂණ රෝහ­ල්ව­ලදී මේ එන්න­ත්ක­ර­ණය කිරී­මට නිය­මි­තය.

අදාළ වැඩ­ස­ට­හ­නට සම­ගා­මීව දින 3ක් හෝ 4ක් තුළ මේ රෝහල්හි සමස්ත කාර්යය මණ්ඩ­ල­යෙන් 25%කටද එන්න­ත්ක­ර­ණය කිරී­මට නිය­මිත බවත් දිව­යිනේ සෙසු ප්‍රදේ­ශ­යන්හි පිහිටි රෝහල් කාර්යය මණ්ඩල සඳහා ද ඉන් අන­තු­රුව එන්න­ත්ක­ර­ණය කිරී­මට නිය­මිත බවද ඔහු පවසා තිබේ.

මේ අතර බස්නාහිර පළාත තුළ අද (28) දිනයේදී විශේෂ මෙහෙයුම් රැසක් ක්‍රියාත්මක කරන බව පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ පවසයි.

ඒ අනුව බස්නාහිර පළාතෙන් පිටතට ගමන් කරන පුද්ගලයින් රැපිඩ් ඇන්ටිජන් හෝ PCR පරීක්ෂණ සඳහා ස්ථාන 12කදී යොමු කිරීමටයි සැලසුම.

මෙම පරීක්ෂණ සිදු කිරීම සදහා බස්නාහිර පළාතෙන් පිටතට ගමන් කරන ජනතාව සෞඛ්‍ය අංශ වෙත සහය ලබාදිය යුතු බවද අජිත් රෝහණ ජනතාවට දැනුම්දෙයි.

බස්නාහිර පළාතේ හඳුනාගත් පොදු ස්ථාන, සති පොළ, මාළු අලෙවිකරණ ස්ථාන, එළවළු අලෙවිකරණ ස්ථාන සහ අනෙකුත් ආර්ථික මධ්‍යස්ථාන ආශ්‍රිතව පුද්ගලයින් ඇන්ටිජන් හෝ PCR පරීක්ෂණ සඳහා යොමු කිරීමේ මෙහෙයුම්, කොළඹින් පිටත්වන බස්රථවල මගීන් පරීක්ෂා කිරීමේ මෙහෙයුම් ද තවදුරටත් ක්‍රියාත්මකය.

සෞඛ්‍ය ආරක්ෂිත උපදෙස් කඩ කරමින් පවත්වාගෙන යනු ලබන රාජ්‍ය සහ රාජ්‍ය නොවන ආයතන පරීක්ෂා කිරීම්ද අඛණ්ඩව සිදුකෙරෙන බව නියෝජ්‍ය පොලිස්පතිවරයා සදහන් කරයි

බස්නාහිර පළාත තුළ ඊයේ (27) දින සිදුකළ ආයතන පරීක්ෂා කිරීම්වලදී සෞඛ්‍ය උපදෙස්වලට පටහැනිව කටයුතු කළ ආයතන 71ක් හඳුනාගෙන නඩු පැවරීමට පියවර ගෙන ඇත.

මේ අතර ගතවූ පැය 24 තුළ මුඛ ආවරණ නොපැළඳ සිටි පුද්ගලයින් 16ක් අත්අඩංගුවට ගෙන තිබේ.
පසුගිය ඔක්තෝබර් 30 සිට මේ දක්වා එම වැරදි සම්බන්ධයෙන් අත්අඩංගුවටගෙන ඇති මුළු සංඛ්‍යාව 2808කි.

-පංචාලි අබේසේකර