එහිදී නාඩු වී කිලෝ ග්‍රෑමයක් රුපියල් 50 කටද, සම්බා වී කිලෝග්‍රෑමයක් රුපියල් 52 කටද මිලදී ගැනීමට තීරණය කර තිබේ. එම වී තොග සහල් බවට පත් කිරීමෙන් පසු නාඩු සහල් කිලෝග්‍රෑමය රුපියල් 97 කටද, සම්බා කිලෝග්‍රෑමයක් රුපියල් 99 කටද අලෙවි කිරීමට හැකිවන පරිදි උපරිම මිලක් නියම කිරීමටද ජීවන වියදම් කමිටුව තීරණය කර ඇත.
අත්‍යවශ්‍ය ආහාර ද්‍රව්‍ය දොළහක මිල අඩු කිරීම, හිඟයකින් තොරව එම ආහාර ද්‍රව්‍ය වෙළෙඳ පොළට නිකුත් කිරීම, සහල් මිල පාලනය කර ගැනීම සඳහා රාජ්‍ය අංශයේ දායකත්වය වැඩි කිරීම, වෙළෙඳ පොළේ සීනි හා පොල් මිල පාලනය කිරීම, ටින් මාළුවල අඩංගු විය යුතු ආසනික් ප්‍රරතිශතය සහ එළවළු, පලතුරු මිල පාලනය කිරීම පිළිබඳවද ජීවන වියදම් කමිටුවේදී සාකච්ඡා කර ඇත.
-අරුණ
