ඒ අනුව ආයතනය විසින් මේ වන විට ගෙවා ඇති 30%ක ප්‍රමාණය සහ ශ්‍රී ලංකා රක්ෂණ හා ද්‍රවශීලතා ආධාර’ ක්‍රමය යටතේ ආවරණය වූ රක්ෂණ වන්දි මුදල හැරුණු කොට ඉතිරි තැන්පතු වටිනාකමින් 50%ක් මෙලෙස ගෙවීමට නියමිතය.
මේ පිළිබඳව ‘අරුණ’ කරන ලද විමසීමකදී මහ බැංකුවේ ජ්‍යෙෂ්ඨ ප්‍රකාශකයෙක් අදාළ ගෙවීම් ක්‍රමවේදය මෙසේ පැහැදිලි කළේය.
‘‘ස්වර්ණමහල් ආයතනයේ සියලුම තැන්පතුකරුවන්ට පාහේ අප දැනටමත් ඔවුන්ගේ තැන්පතු මුදලින් සීයට තිහක් ගෙවල අවසන්. උදාහරණයක් ලෙස කියනවා නම් තැන්පතුව රුපියල් ලක්ෂ දහයයි කිව්වොත් එයින් ලක්ෂ තුනක් ගෙවා අවසන්. ඒ වගේම මේ සෑම තැන්පතුකරුවකුටම රුපියල් ලක්ෂ හයක ණය රක්ෂණ ආවාරණයක් හිමිවෙනවා. එම ලක්ෂ හයත් මේ වන විට ඉල්ලුම් කර ඇති සියලුම තැන්පතුකරුවන්ට ගෙවා අවසන්. ඒ කියන්නේ ලක්ෂ දහයක් තැන්පත් කරපු කෙනාගේ ලක්ෂ නවයක්ම මේ වන විටත් ගෙවා අවසන්. ගෙවීමට ඇත්තේ ඉතිරිය පමණයි. එම ඉතිරියෙන් 50%ක් තමයි දැන් මේ ගෙවීම ආරම්භ කරල තියෙන්නේ.
ඒ අනුව ස්වර්ණමහල් ෆිනෑන්ෂියල් ආයතනයේ ප්‍රධාන ශාඛාව සහ උප ශාඛා මගින් කඩිනමින් මෙම මුදල් ලබා ගන්නා ලෙස ශ්‍රී ලංකා මහ බැංකුව තැන්පත්කරුවන්ට දැනුම් දෙයි.
-අරුණ
