දිනකට ඇමරිකානු ඩොලර් මිලියනයක කිරි පිටි ආනයනය කෙරෙන බවත් කෘෂිකර්ම අමාත්‍යාංශයේ ඊයේ (16 වැනිදා) පෙරවරුවේ පැවැති මාධ්‍ය හමුවක දී ඇමැතිවරයාසදහන් කර ඇත.

එහිදී අදහස් දැක්වූ මහින්දානන්ද අලුත්ගමගේ,

''නවසීලන්තයේ දෙවැනි විශාලතම කිරි පිටි අපනයනකරු ශ්‍රී ලංකාවයි. කිරි පිටි ආනයනය නතර කළ සැනින් නවසීලන්ත අගමැතිවරයා අපේ රටට පැමිණෙනවා.
මිල්කෝ සමාගමේ දෛනික කිරි අවශ්‍යතාවය ලීටර් ලක්ෂ හයක් . එහෙත් ආයතනයට දෛනිකව ලැබෙන්නේ කිරි ලීටර් ලක්ෂ දෙකක් පමණයි. මාකඳුරේ කිරි කර්මාන්තශාලාව නුදුරේ දී විවෘත වුවත් එහි නිෂ්පාදන කටයුතු සඳහා ප්‍රමාණවත් වන තරම් කිරි නැහැ.

රටේ ගවයන් ලක්ෂ 12ක් සිටිනවා. මේ අතරින් කිරි ලබාගන්නේ ගවයන් ලක්ෂ දෙකහමාරකින් පමණයි. තවත් කිරි ගවයන් ලක්ෂ දෙක හමාරක් ගැබ් නොගැනීම නිසා කිරි ලබා ගැනීමට නොහැකි වී තිබෙනවා.
කිරි ගවයන්ට නියමිත වේලාවට ආහාර සහ ජලය ලබා දී එක් කිරි ගවයකුගෙන් ලබා ගන්නා කිරි ප්‍රමාණය ලීටර් දෙකකින් වැඩි කිරීමට බලාපොරොත්තු වේනවා . මෙරට කිරි ගන්නා ලක්ෂ දෙකහමාරක් වන ගවයන්ගෙන් එක් කිරි ගවයකුගෙන් දෛනිකව ලබා ගන්නේ කිරි ලීටර් තුනක් පමණි. ලෝකයේ වෙනත් රටවල කිරි ගවයකුගෙන් දිනකට කිරි ලීටර් 10ත් 30ත් අතර ප්‍රමාණයක් ගන්නවා.

මෙවර අයවැයෙන් සත්ව නිෂ්පාදන කටයුතු සඳහා රුපියල් බිලියන එකයි දශම පහක් වෙන් කර ඇති අතර මේ වසර දෙක ඇතුළත දී කිරි ගන්නා එළ ගවයන් ප්‍රමාණය ලක්ෂ පහ දක්වා වැඩි කිරීමටද නියමිතයි. මහා පරිමාණ වතු සමාගම් සමග එකතු වී විශාල ගොවිපොළවල් තුනක් ඇති කිරීම සඳහා සාකච්ඡා කර තිබෙනවා. එම සමාගම් විසින් සතුන් 4500ක් ආනයනය කිරීමට නියමිතයි. ඊට අවසරය ලබා දෙනවා'' යනුවෙන් සදහන් කර ඇත.

-පංචාලි අබේසේකර