අදාළ ව්‍යාපෘතිය චීන සමාගමකට ලබාදීමට අදාළ යෝජනාවට කැබිනට් මණ්ඩල අනුමැතිය හිමිව ඇති නමුත් ඒ වෙනුවෙන් මුදල් අමාත්‍යාංශ නිරීක්ෂණ මෙතෙක් හිමිව නොමැති බව අමාත්‍යවරයා පෙන්වා දෙයි.
මේ පිළිබදව අදහස් දැක්වූ අමාත්‍යවරයා,
'‘කැබිනට් තීරණයක් ගත්තහම ඒ සම්බන්ධ‍යෙන් මුදල් අමාත්‍යාංශය නිරීක්ෂණයක් සිදුකරනවා. ඒ නිරීක්ෂණ මෙතෙක් ලැබිලා නැති නිසා කැබිනට් තීරණය සම්පූර්ණයෙන් අනුමත වීමක් සිදුවෙලා නැහැ. මේ සම්බන්ධ‍යන් මුදල් අමාත්‍යාංශය ඉල්ලන නිරීක්ෂණ විදුලිබල මණ්ඩලය විසින් ලබාදිය යුතුයි. එතකොට තමයි අවසන් තීන්දුවකට යන්නේ. ඒ නිසා තවමත් මේ පිළිබඳ අවසන් තීන්දුවක් අරගෙන නැහැ.
සාමාන්‍යයෙන් කැබිනට් තීරණයක් ගත්තහම ඒ පිළිබඳ නෛතික තත්ත්වය, විරෝධතා, මූල්‍ය හැකියාව වැනි සියලුම දේ පිළිබඳව සලකා බලල තමයි අවසන් නෛතික තීරණය ගන්නේ.
අදාළ දූපත්වල ජීවත් වන දෙමළ ජනතාව වෙනුවෙන් මෙම ව්‍යාපෘතිය සඳහා වැයකිරීමට නියමිත ඇමරිකානු ඩොලර් මිලියන 12ක මුදල් ආධාරයක් වශයෙන් ලබාදීමට කැමැත්ත පළකරමින් ඉන්දියාව යෝජනාවක් ඉදිරිපත් කරලා තියෙන්නේ '' යනුවෙන් සදහන් කර තිබේ.
-පංචාලි අබේසේකර
