අද දින පාකිස්තාන අගමැති ඉම්රාන් ඛාන් දිවයිනට පැමිණීමට නියමිතව ඇත. එම හේතුවෙන් පාකිස්තාන අගමැති හමුවීම සඳහා අවස්ථාවක් ලබාදෙන ලෙස ඉල්ලා පාර්ලිමේන්තුව නියෝජනය කරන මුස්ලිම් මන්ත්රීවරුන් 15 දෙනකු ශ්රී ලංකාවේ පිහිටි පාකිස්තාන මහ කොමසාරිස් කාර්යාලයට ලිපියක් භාර දී තිබේනවා. එහිදී මුස්ලිම් ජාතික දේහ ආදාහනය කිරීම පිළිබදව පාකිස්තාන අගමැතිවරයා හරහා රජයට කරුණු දැක්වීම මුස්ලිම් මන්ත්රීවරුන්ගේ අරමුණයි.
එම ලිපියට විපක්ෂය මෙන්ම ආණ්ඩු පක්ෂය නියෝජනය කරන මන්ත්රීවරුන්ද අත්සන් කර ඇත. ලිපිය පාකිස්තාන විදේශ කටයුතු අමාත්යාංශයට යොමු කර ඇති බව මහ කොමසාරිස් කාර්යාලය දැනුම් දුන් බව සමගි ජන බලවේගයේ පාර්ලිමේන්තු මන්ත්රී රවුෆ් හකීම් ප්රකාශ කර තිබේ.. එම හමුව සඳහා වේලාව අද (23 වැනිදා) දින පෙරවරුවේ ලැබෙනු ඇතැයි එම මන්ත්රීවරුන් විශ්වාසය පළ කරති.
-පංචාලි අබේසේකර
