ඔහු පෙන්වා දෙන්නේ එමඟින් තහවුරු වන්නේ වත්මන් මියන්මාර් පාලනය ශ්‍රී ලංකා රජය පිළිගෙන ඇති බවයි. ඔහු මේ බව ප්‍රකාශ කර සිටියේ කොළඹ පැවති මාධ්‍ය හමුවකදීය.
එහිදී අදහස් දැක්වූ විපක්ෂ නායක සජිත් ප්‍රේමදාස ,
“ප්‍රජාතන්ත්‍රවාදය විනාශ කරමින් මිලිටරිකරණයක් හරහා මියන්මාරයේ ඊනියා ආණ්ඩුවක් අව නීතියෙන් බිහිවුණ ආණ්ඩුවක් අද නිර්මාණය වෙලා තියෙනවා. වර්තමාන ශ්‍රී ලංකා ආණ්ඩුවේ විදේශ අමාත්‍යවරයා මියන්මාරයේ සිදුවුණ මිලිටරිකරණ ඒකාධිපති වියරුව නොසලකා මිලිටරි ඊනියා ආණ්ඩුවකින් බිහිකරපු විදේශ අමාත්‍යවරයාට ලිපියකින් ආරාධනා කරනවා බිම්ස්ටෙක් සමුළුවට සහභාගි වෙන්න කියලා. මේක ජාත්‍යන්තර සබඳතා තුළ සිදුවෙන දෙයක් මම හිතන්නේ මේ රජයට ජාත්‍යන්තර සබඳතා පිළිබඳ වැඩි දැනුමක් නොමැති තත්ත්වයක් තුළ මේ බරපතළ වරද ක්‍රියාත්මක කරලා තියෙන්නේ. “ යනුවෙන් සදහන් කර තිබේ.
මේ අතර අදාළ ආරාධනය සිදුකිරීම සම්බන්ධයෙන් ඊයේ දිනයේ විදේශ කටයුතු අමාත්‍යාංශය නිවේදනයක් නිකුත් කරමින් පැහැදිලි කිරීමක් සිදුකර තිබේ.
බිම්ස්ටෙක් සමුළුවට සමාගීව පැවැත්වෙන 17 වෙනි බිම්ස්ටෙක් අමාත්‍ය රැස්වීම ලබන අප්‍රේල් මස 01 වන දින කොළඹදී පැවැත්වීමට සැලසුම් කර ඇති අතර ඒ සඳහා සියලුම සාමාජික රටවලට ආරාධනා කිරීම සිදුකරන බැවින් මියන්මාර රජයටද එම ආරාධනය සිදුකර ඇති බව එහි දැක්වේ.
එමඟින් වත්මන් මියන්මාර පාලනය පිළිගැනීමක් සිනොවන අතර බිම්ස්ටෙක් සමුළුව පිළිබඳ ලේඛනවල කටයුතු අවසන් කිරීමේ අරමුණෙන් සාකාච්ඡාවලට සහභාගී වීම සඳහා සියලුම සාමාරික රටවලට සිදුකෙරෙන ආරාධනයක් පමණක් වන බව විදේශ කටයුතු අමාත්‍යාංශය සිය නිවේදනය මඟින් සඳහන් කර තිබේ.
-පංචාලි අබේසේකර
