2009 වසරේදී කේරළයේ කසරාගොඩ් ප්‍රදේශයේ සංචාරය කරමින් එහි ආගමික නායකයින් සමග රිෂාඩ් බදියුදීන් සබඳතා පවත්වා ඇති බවට අනාවරණ වී ඇත.
2013 වසරේදී රිෂාඩ් බදියුදීන් කර්මාන්ත හා වාණිජ අමාත්‍යවරයා ලෙස කටයුතු කළ සමයේ චෙන්නායි හි කළ සංචාරයක් අතරතුර අදාළ පාර්ශව සමග සබඳතා ගොඩනගා ඇති බවට අනාවරණ වී ඇති බව ඉන්දීය මාධ්‍ය පවසයි.
මේ සම්බන්ධයෙන් ඉන්දීය බුද්ධි අංශ සහ කේරළ පොලිසිය පරික්ෂණ ආරම්භ කර තිබේ.
රිෂාඩ් බදියුදීන්ගේ පියා ද කසරාගොඩ් හි පඩ්නා ප්‍රදේශයේ පුද්ගලයෙක් වන ඔහු එම ප්‍රදේශයේ පුද්ගලයින් කිහිප දෙනෙකු සමග සබඳතා පවත්වා ඇති බවට ඉන්දීය බුද්ධි අංශ විසින් අනාවරණය කර තිබුණි.
මේ අතර කේරළ කසරාගොඩ් ප්‍රදේශයේ පදිංචිව සිටි තරුණ මුස්ලිම් පවුල් 05ක් එම ප්‍රදේශයෙන් අනතුරුදන්ව ඇති අතර ඔවුන් 2016 වසරේදී සිරියාවට පැනගොස් අයි. එස්. සංවිධානයට බැඳී ඇති බවට ද අනාවරණය වී ඇති බව සදහන් වේ.
ඔවුන් කිහිපදෙනෙක් ශ්‍රී ලංකාවට පැමිණ ජාතික තවුහීද් ජමාත් සංවිධානයේ පිරිස් හමු වී ඇති බවට ද හෙළිවී ඇති බව ඉන්දීය මාධ්‍ය වාර්තා පවසයි.
රිෂාඩ් බදියුදීන් මන්ත්‍රීවරයා සහ ඔහුගේ සොහොයුරා වන රියාජ් බදියූදීන් ව පසුගිය 24 වනදා ත්‍රස්තවාදය වැලැක්විමේ පනත යටතේ අත්අඩංගුවටගත් අතර දින 90ක රැඳවුම් නියෝග මත ඔවුන්ගෙන් මේ වන විට ප්‍රශ්න කිරිම් සිදුකෙරේ.
-පංචාලි අබේසේකර
