නියෝජ්‍ය කථානායක රංජිත් සියඹලාපිටිය මහතාගේ ප්‍රධානත්වයෙන් පැවැති කමිටු රැස්විමේදී එම තීරණය ගත් බව පාර්ලිමේන්තු සහකාර මහලේකම් ටිකිරි ජයතිලක මහතා පවසා ඇත.
අප්‍රේල් මස 21 වනදා පාස්කු ප්‍රහාරය සිහිපත් කරමින් ආණ්ඩු පක්ෂ මන්ත්‍රීවරුන් කළු පටි පැලඳ සිටි අතර විපක්ෂනායකවරයා ඇතුළු සමගි ජන බලවේගයේ මන්ත්‍රීවරුන් කළු ඇඳුමින් සැරසී පැමිණ සිටි අතර එහිදී අප්‍රේල් මස 22 වනදා පැවැත්වීමට නියමිතව තිබූ දේශපාලන පළිගැනිම් පිළිබඳ ජනාධිපති කොමිෂන් සභා වාර්තාව සම්බන්ධයෙන් ද පාර්ලිමේන්තුව තුළ නොසන්සුන්තාවක් හට ගත්තේය. එම අවස්ථාවේදී ආණ්ඩු පක්ෂයේ මෙන්ම විපක්ෂයේ මන්ත්‍රීවරුන් සභාව මධ්‍යයට පැමිණ විරෝධතාවයේ නිරත විය.
මේ සම්බන්ධයෙන් සොයා බලා ගතයුතු ක්‍රියාමාර්ග නිර්දේශ කිරීමට නියෝජ්‍ය කථානායක රංජිත් සියඹලාපිටිය මහතාගේ සභාපතීත්වයෙන් යුතුව එම කමිටුව කථානායකවරයා විසින් පත්කරනු ලැබීය. එහිදී සෙසු සාමාජිකයින් ලෙස චමල් රාජපක්ෂ, කෙහෙළිය රඹුක්වැල්ල, සුසිල් ප්‍රේමජයන්ත්, අනුර ප්‍රියදර්ශන යාපා, ඉම්තියාස් බාකීර් මාකර්, රංජිත් මද්දුමබණ්ඩාර සහ එම්.ඒ. සුමන්තිරන් යන මැති ඇමතිවරුන් කටයුතු කරයි.
-පංචාලි අබේසේකර
