එල්.පී.ගෑස් අඩංගු කිලෝග්‍රෑම් 12.5කින් යුත් ගෘහස්ථ සිලින්ඩරයක මිල රුපියල් 1493ක් ලෙස වෙළෙඳපොළේ විකිණීමට තිබියදීම මෙහිම පරිමාව ලීටර් 18ක සිලින්ඩරයක් මෝස්තරය හා ශෛලිය වෙනස් නොකරමින් රුපියල් 1395ක මිලට විකිණීම මගින් රුපියල් 98ක මිල අඩුවීමක් ඇති බවට අසත්‍ය පැවැසීම මගින් පාරිභෝගික කටයුතු පිළිබඳ අධිකාරිය පනතේ වගන්ති උල්ලංඝනය කරන ලදැයි චෝදනා කරමින් අදාළ නඩුව පවරා තිබුණි.

මෙම නඩුව ජුලි 27 වැනි දින කැඳවන ලෙස නියම කළ අධිකරණය. එදිනට අධිකරණය හමුවේ පෙනී සිටින ලෙසට ලාෆ් ගෑස් සමාගමට සිතාසි ද නිකුත් කළේය.

මෙම නඩුව සනාථ කිරීම සඳහා පාරිභෝගික කටයුතු පිළිබඳ අධිකාරිය සාක්ෂිකරුවන් දොළොස් දෙනකුගේ නාම ලේඛනයක් ද අධිකරණය වෙත ඉදිරිපත් කර තිබුණි.

ඊට අමතරව පාරිභෝගික කටයුතු පිළිබඳ අධිකාරී පනත උල්ලංඝනය කරමින් විකුණන ලද ලාෆ් ගෑස් සිලින්ඩරයක්, ඒ සම්බන්ධයෙන් ලබාගන්නා ලද පරීක්ෂණ වාර්තා ඇතුළු ලේඛන 13ක් ද අධිකරණය වෙත ඉදිරිපත් කර තිබුණි.

මීට ඉහතදී ලිට්රෝ ගෑස් සමාගමට එරෙහිව පාරිභෝගික කටයුතු පිළිබඳ අධිකාරිය මාලිගාකන්ද මහෙස්ත්‍රාත් අධිකරණය හමුවේ නඩුවක් පවරා තිබුණි.

අදාළ නඩුව ඉකුත් ජුනි 16 වැනිදා පවරා තිබූ අතර එහි විත්තිකාර ලිට්රෝ ගෑස් සමාගම ලබන ඔක්තෝබර් 28 වැනි දින අධිකරණය හමුවේ පෙනී සිටින ලෙස දන්වමින් මාලිගාකන්ද මහෙස්ත්‍රාත් අධිකරණය විසින් සිතාසි ද නිකුත් කළේය.

-අරුණ