අමාත්‍යවරයා මේ බව පැවසුවේ එම සාකච්ඡාවෙන් අනතුරුව මාධ්‍ය වෙත අදහස් දක්වමිනි.
ජනාධිපති ගෝඨාභය රාජපක්ෂ මහතා සහ ශ්‍රී ලංකා නිදහස් පක්ෂය අතර විශේෂ සාකච්ඡාවක් අද ජනාධිපති ලේකම් කාර්යාලයේදී පැවැත්වුණා . ඒ එම පක්ෂය, ලිඛිතව ජනාධිපතිවරයාගෙන් කර තිබූ ඉල්ලීමකට අනුවය.
ශ්‍රී ලංකා නිදහස් පක්ෂය අදාළ සාකච්ඡාවට සහභාගී වූයේ පක්ෂ සභාපති, හිටපු ජනාධිපති මෛත්‍රිපාල සිරිසේන මහතා සමග පැවති සාකච්ඡාවකින් අනතුරුවය.
ඒ අනුව, ජනාධිපතිවරයා සමග පැවත්වෙන සාකච්ඡාවට සහභාගීවීමට පෙර ශ්‍රී ලංකා නිදහස් පක්ෂයේ නියෝජිතයින් අද පෙරවරුවේ පක්ෂ සභාපතිවරයා සමග ද සාකච්ඡාවක නිරත විය. ඒ මහගමසේකර මාවතේ පිහිටි හිටපු ජනාධිපතිවරයාගේ නිල නිවසේදීය.
ජනාධිපතිවරයා සමග පවත්වන සාකච්ඡාවේදී අවධානයට ලක්කරන කරුණු පිළිබඳව මෙහිදී සාකච්ඡා කර තිබේ. ඉන් අනතුරුව ජනාධිපතිවරයා සමග පැවැත්වෙන සාකච්ඡාවට සහභාගීවීම සඳහා ඔවුන් ජනාධිපති ලේකම් කාර්යාලය වෙත පැමිණ තිබු බවයි වාර්තා වුයේ.
-පංචාලි අබේසේකර
