එමසිසුන් පෙන්වා දෙන්නේ ඊයේ රාත්‍රීයේ සිට මේ වන තුරුත් පොලීස් නිළධාරීන් එම සිසු නායකයන්ගේ නිවෙස් සෝදිසි කරමින් සිටින බවය. ඒ අතර රාජාංගනය ප්‍රදේශයේ පෙරටුගාමී සමාජවාදී පක්ෂයේ සාමාජිකයකුගේ නිවසට පෑලියගොඩ පොලීසියෙන් යැයි සඳහන් කරමින් ( W/P NE O811 අංක දරණ ජීප් රථයෙන් පැමිණි) සිවිල් සහ නිල ඇඳුමෙන් පැමිණි පිරිසකගේ බලහත්කාරයෙන් ඇතුළුවීමක් ගැනද වාර්ථා වේ. එම නිලධාරීන් නිවැසියන්ට තර්ජනය කර ඇති බවත් අදාල සිසුවා සහ අනෙක් සිසු නායකයන් තවදුරටත් සැඟව සිටීනම් ඉදිරියේදී නිවැසියන්ට කරදරවලට මුහුණ දීමට සිදුවෙනු ඇතිි බවට අනතුරු හැඟවීමක්ද සිදුකර තිබේ.

මේ අතර ඊයේ අයුතු ජනරාශිගතව පෙළපාළියක් පවත්වා රාජ්‍ය දේපළවලට අලාභහානි කිරීම, රාජකාරියේ යෙදී සිටි පොලිස් නිලධාරියකුට බරපතළ තුවල සිදු කිරීම, සංචරණ සීමා කඩ කරමින් සෙනඟ ප්‍රවාහනය ඇතුළු චෝදනා සම්බන්ධයෙන් කඩුවෙළ අධිකරණයට ඉදිරිපත් කළ පස්දෙනාගෙන් දෙදෙනකු රිමාන්ඩ් බාරයේ තබන ලෙසත් තිදෙනකු ලක්ෂය බැගින් ශරීර ඇප මත මුදා හරින ලෙසත් කඩුවෙල මහේස්ත්‍රාත් හා අතිරේක දිසා විනිසුරු මංජුල රත්නායක මහතා නියෝග කළේය.

රිමාන්ඩ් බාරයට පත්කරන ලද්දේ ජයවර්ධන පුර විශ්ව විද්‍යාලයේ මහා ශිෂ්‍ය සංගමයේ සභාපති අමිල සංදීප සහ අන්තර් විශ්ව විද්‍යාල බල මණ්ඩලයේ කැඳවුම්කරු වසන්ත මුදලිගේ යන දෙදෙනා ලබන 11 වැනි දා තෙක් රිමාන්ඩ් බාරයේ තබා ඇත