ඒ අනුව දළ වශයෙන් මෙරට ජනගහනයෙන් ලක්ෂ 156කට එන්නත් ලබාදීම රජයේ අරමුණ වී තිබෙන අතර ඒ සඳහා අවශ්‍ය වන එන්නත් මාත්‍රා ප්‍රමාණය ලක්ෂ 31කි.

අගෝස්තු මස 09 වැනිදා වන විට විවිධ මූලාශ්‍ර ඔස්සේ ලැබී තිබු එන්නත් සංඛ්‍යාව 19,490,630ක් වන අතර පසුගිය සතිය තුළද එන්නත් විශාල ප්‍රමාණයක් මෙරටට ලැබී තිබිණි.
ඒ අනුව වයස අවුරුදු 30ට වැඩි පිරිස් එන්නත්කරණය කිරීමේ වැඩපිළිවෙළ යටතේ මේ වන විට පළමු මාත්‍රාව 140 ලක්ෂයකට පමණද දෙවැනි මාත්‍රාව 60 ලක්ෂයකට පමණ ද ලබා දී අවසන් කොට ඇත.

වයස අවුරදු 18ට වැඩි පිරිස් සහ වයස අවුරුදු 12-18 කාණ්ඩයේ දරුවන් වෙත එන්නත් ලබාදීම සඳහා බෝවන රෝග පිළිබඳ ජාතික උපදේශන කමිටුවේ නිර්දේශ මත සයිනොෆාම් එන්නත් මාත්‍රා ලක්ෂ 90ක් සහ ෆයිසර් එන්නත් මාත්‍රා ලක්ෂ 140ක් මිලට ගැනීමට රජයේ අවධානය යොමුව ඇත.

ඒ සඳහා අමෙරිකානු ඩොලර් මිලියන 157.5ක මුදලක් වෙන් කරන ලෙස සෞඛ්‍ය අමාත්‍යාංශ්‍ය රජයෙන් ඉල්ලා තිබේ.

-පංචාලි අබේසේකර