අද (21) කොළඹ පැවැති මාධ්‍ය හමුවකදී රාජ්‍ය අමාත්‍යවරයා මේ බව සඳහන් කළේය.
"රට වැසීම හරහා තිබෙන පාඩුව අපිට මඟහරවා ගැනීමට නම් පුළුවන් තරම් ඉක්මනින් අපේ රට යථා තත්ත්වයට ගෙන එන්න ඕනේ.
අපේ රටේ ශ්‍රම බලකාය ලක්ෂ 80 ක් ඔවුන්ගෙන් ලක්ෂ 15 ක පමණ රජයේ සේවකයන් ඔවුන්ට මාසික ආදායම් ලබෙනවා ඉතිරි පිරිස සුළු ව්‍යාපාර වෙළඳාම්, ඉදිකිරීම් වැඩ ආදියෙහි යෙදෙමින් එදිනෙදා ආදායම් උපයන අය. මිනිස් ජීවිත වගේම ඒ ජීවනෝපායන් ඒ තරමටම වැදගත්. ජීවනෝපාය නැති වුණොතින් ඒක සිදුවන අයට තමයි තේරෙන්නේ ඒකේ වේදනාව. මේ දෙකම රැකගැනීමට ආර්ථිකය ආරක්ෂාකර ගැනීම රජයේ ප්‍රමුඛතාවයක් යැයිද ඒ මහතා මෙහිදි පෙන්වා දුන්නේය.
පුළුවන් තරම් ලොක්ඩවුන් කෙටි කරන්නට ඕනේ. කෙටි කළේ නැත්නම් ඒකෙන් දෙපැත්තක කරුණු රාශියකට අපිට පළවිපාක විඳින්නට වෙනවා. අපේ රට පිට රටවල් සමග කරන ගනුදෙනු ඩොලර් පාවිච්චි කරන්න වෙනවා නම් අපිට ඒ පිළිබඳ ඩොලර් උපයා ගන්න ඔනේ. සමහර තැන්වලදී අපට එය මදිවීමක් සිදුවෙනවා නම් අපිට වෙන පැත්තකින් අඩුකරන්න වෙනවා. රථවාහන ගෙන ඒම නතර කළා. ඒ වාගේ තීරණ ගන්නට සිදුවෙනවා."
