ඒ පොරොන්දු හැබෑ කිරීමට සෑම නායකයෙකුටම නොහැකිය. එහෙත් ශ්‍රී ලංකාව නම් මේ පුංචි දුපතේ ජනාධිපතිවරයා ජනතාවට දුන් පොරොන්දු සැබෑ කරමින් සිටි. පුරවැසියාගේ ජිවත් වීමේ අයිතිය තහවුරු කරමින් සිටි. ඒ නිසාම මෙවන් වසංගතයක් තුළ පවා මන්දිරයේ පමණක් නොව දුගී පැලේ මිනිසාවද අමතක නොකරමින් රටේ එන්නත්කරණය ඉතා විශිෂ්ට ලෙස සිදුකරමින් සිටි. ඒ බව තවත් පසක් කරමින් අද දිනයේ එන්නත්කරණයේ තවත් විශේෂ වැඩසටහනක් ක්‍රියාත්මක කිරීමට ශ්‍රීලංකා පොලිසිය සමත්ව ඇත.
ආබාධවලට ලක්වූ හා සිඟමන් අයදිමින් සිටින පුද්ගලයින්ගේ ජීවිතවලට ආරක්ෂාව සැලසීම මෙන්ම විවිධ අවශ්‍යතා සදහා කොළඹ නගරයට පැමිණෙන ජනතාවට කොවිඩ් වෛරසය වැළදීමට ඇති හැකියාව අවම කිරීමේ අරමුණින් කොළඹ කොටුව – පිටකොටුව ප්‍රදේශවල රැඳී සිටින ආබාධිත හා පිළිසරණයක් නොමැති පුද්ගලයින් එන්නත්කරණය කිරීමට පොලීසිය පියවර ගෙන ඇත්තේ ඒ අනුවය.
පිටකොටුව බස් නැවතුම්පොළ ආසන්නයේ, ප්‍රධාන මාර්ගයේ, හරස්වීදිවල හා බැස්ටියන් මාවතේ රැදී සිටින ආබාධවලට ලක්වූ හා සිඟමන් අයදිමින් සිටින පුද්ගලයින්ට කොවිඩ් එන්නත ලබාදීම මෙම විශේෂ එන්නත්කරණ වැඩසටහන හරහා සිදු වේ. ඊයේ දිනයේ (24) පමණක් පුද්ගලයින් 100කට පමණ එන්නත්කරණය කළ බව වාර්තා වේ. මෙම එන්නත්කරණයට ජාති ,ආගම කුල මල අදාළ නොවේ. යාචකයා වුවද එම ජීවිතවල වටිනාකම පාලකයන් හදුනාගෙන ඇත. රටක සිදු විය යුතු දේ සිදු වෙමින් පවතී...
-පංචාලි
