ආදායම් අහිමි වූ එහෙත් මෙතෙක් රුපියල් 2,000 දීමනාව ලැබී නොමැති අයෙකු වේ නම් ඒ සම්බන්ධයෙන් අභියාචනා ලබාදෙන්නැයි, ආර්ථික පුනර්ජීවන හා දරිද්‍රතාව තුරන් කිරීම සඳහා වන ජනාධිපති කාර්යය සාධන බලකාය ජනතාවට දැනුම් දෙයි. අදාළ අභියාචනා දිස්ත්‍රික් ලේකම්වරුන්ට හෝ ප්‍රාදේශීය ලේකම්වරුන්ට ලබාදිය හැකි බව එම බළකාය සඳහන් කර සිටි.

කොරෝනා තත්ත්වය හේතුවෙන් බලපෑමට ලක් වූ ජීවනෝපාය අහිමි පවුල් සඳහා රුපියල් 2000/= දීමනාව ලබා දීම ස්වදේශ කටයුතු රාජ්‍ය අමාත්‍යංශයේ ප්‍රධානත්වයෙන් පසුගියදා ආරම්භ වුණා .

නිරෝධාන ඇඳිරි නීතිය පැනවීම හේතුවෙන් ජීවනෝපාය අහිමි වූ මුළු පවුල් 20 ලක්ෂ 38, 530ක් මෙම දීමනාව සඳහා තෝරා ගෙන තිබුණේ .
ඒ අනුව කොළඹ දිස්ත්‍රික්කයේ පවුල් 3 ලක්ෂ 76, 531ක්, ගම්පහ 3 ලක්ෂ 45, 847ක්, කළුතර 55, 425ක්, මහනුවර 1 ලක්ෂ 37, 475 ක්, කුරුණෑගල එක් ලක්ෂ 7677 ක්, රත්නපුර එක් ලක්ෂ 7291 ක් , ගාල්ල දිස්ත්‍රික්කයේ 38, 269ක් සහ හම්බන්තොට දිස්ත්‍රික්කයේ 66, 476ක් ජීවනෝපාය අහිමි වූ පවුල් ඊට සුදුසු කම් සපුරා තිබුණ අතර අද විට දීමනාව අදාළ සියලු පවුල් සදහා ලබා දී අවසන් බවයි අමාත්‍යංශය පැවසුවේ.

-පංචාලි අබේසේකර