එම වැඩ පිළිවෙල අයවැයෙන් පසු ගම්මට්ටමින් ආරම්භ කිරීමට අපේක්ෂිතය.
මෙම වැඩපිළිවෙළ ක්‍රියාත්මක වනුයේ එක්සත් ජාතික පක්ෂයට අනුබද්ධ වෘත්තීයවේදීන්ගේ සංවිධාන, විශ්වවිද්‍යාල ආචාර්ය සංසද, රාජ්‍ය හා පෞද්ගලික වෘත්තිය සමිති ඇතුළු සියලු බහුජන සංවිධාන බල ගැන්වීමෙන් අනතුරුවය. පක්ෂයේ ප්‍රතිසංවිධාන කටයුතු යටතේ රජයට විරුද්ධව සිටින සියලු පාර්ශ්ව ඒකරාශී කර ගනිමින් සියලු සංවිධාන බල ගැන්වීම සිදු කෙරේ. ආණ්ඩුව ගැන කලකිරෙන කණ්ඩායම්වලට ප්‍රධාන විපක්ෂය ගැන විශ්වාසයක් නොමැති හෙයින් එම කණ්ඩායම් එක්සත් ජාතික පක්ෂය වටා ගොනු කර ගැනීම අපේක්ෂාව වී තිබේ.
අලුත් සංකල්පයක්, අලුත් දර්ශනයක් පක්ෂයේ අපේ වැඩපිළිවෙළ ජනතාව තුළට ගෙන යාෑම සඳහා සියලු සංවිධාන ජාල බලගැන්වීම වහා අරඹන ලෙස එජාප නායක සහ හිටපු අග්‍රාමාත්‍ය රනිල් වික්‍රමසිංහ මහතා පක්ෂ නිලධාරීන්ට උපදෙස් ලබා දී ඇති අතර පක්ෂයේ නියෝජ්‍ය නායක රුවන් විජයවර්ධන, උපනායක අකිල විරාජ් කාරියවසම් යන මහත්වරුන්ගේ අධීක්ෂණය යටතේ සංවිධාන ජාල ඇරැඹීම සිදු කරයි.
