ශ්රී ලංකා රජය වෙනුවෙන් මුදල් අමාත්යංශ ලේකම් එස් ආර් ආටිගල, ලංකා ඛනිජ තෙල් සංස්ථාවේ සභාපති සුමිත් විජේසිංහ, ලංකා ඛනිජ තෙල් සංස්ථාවේ කළමනාකාර අධ්යක්ෂක බුද්ධික මඩිහහේවා, ලංකා ඉන්දියානු තෙල් සමාගමේ කළමණාකාර අධ්යක්ෂක මනෝජ් ගුප්තා යන මහත්වරු මෙම ගිවිසුම් වලට අත්සන් තැබුහ.
ඒ අනුව ත්රිකුණාමලය තෙල් ටැංකි සම්බන්ධයෙන් වන 2003 බදු ගිවිසුම අහෝසි වී තෙල් ටැංකි සංකීර්ණය වසර 50ක බදු කාලයකට ආයතන 03ක් අතර පහත පරිදි බෙදී යාම සිදුවේ.
ලංකා ඛනිජ තෙල් සංස්ථාවට ටැංකි 24ක්,
ඛනිජ තෙල් සංස්ථාවට සියයට 51ක් හා ලංකා ඉන්දියානු තෙල් සමාගමට සියයට 49ක් කොටස් හිමි ලංකා ඛනිජ තෙල් සංස්ථාවේ පාලිත සමාගමක් වන ට්රින්කෝ පෙට්රෝලියම් ටර්මිනල් සමාගමට ටැංකි 61ක්,
ඉන්දියානු ලංකා තෙල් සමාගමට (IOC)ටැංකි 14ක් ලෙස ටැංකි බෙදී යන බව බලශක්ති අමාත්යාංශය පවසයි.
ඒ අනුව මෙම ටැංකි 99න් 85ක්ම සෘජු සහ වක්ර ලෙස පාලනය තෙල් සංස්ථාව සතු වීම ලක් ඉතිහාසයට එක්වන ඓතිහාසික ජයග්රහණයකි. IOC සමාගමට බදු දී තිබෙන ටැංකි 14 හි අදාල ගිවිසුම් අනුව ලැබෙන රාජ්යභාග්ය හා බදු මුදල් නොවෙනස්ව ඉදිරියටත් ලැබෙනු ඇත.
මෙම නව ගිවිසුම් ජනවාරි මස 10 දා අමාත්ය මණ්ඩලයට ඉදිරිපත් කරන අතර 18 දා පාර්ලිමේන්තුවට ඉදිරිපත් කිරීමට නියමිතය.
ජනවාරි මස 11 දා ලංකා ඛනිජ තෙල් නීතිගත සංස්ථාවේ නිල වේබ් අඩවියට මෙම ගිවිසුම් එක්කෙරෙන බව ද අමාත්යාංශය පවසයි.
1987 දි අත්සන් කෙරුනු ඉන්දු ලංකා ගිවිසුම අනුව මෙම තෙල් ටැංකි සමුහය ඉන්දුයාව සහ ලංකාව අතර හවුල් ව්යාපරයක් ලෙස ක්රියාත්මක කිරීමට එකඟ වී තිබිණි. 2003 වසරේ පෙබ්රවාරියේදි අත්සන් කරන ලද ගිවිසුමක් අනුව මෙම ටැංකි සමූහය 35 වසරකට ඉන්දියාවට බදු දුන් අතර ඒ අනුව ඉන්දියානු තෙල් සමාගම ඉන් ටැංකි 14 ක් භාවිතයට යොදා ගන්න ලදී.
නැවත 2017 වසරේදී මෙම ටැංකි සමූහයම 99 අවුරුදු පදනම යටතේ ඉන්දියාවට බදු දීමට මලික් - ශුර්මා ගිවිසුමෙන් එකඟ වූ අතර එම සාකච්ඡ මේ දක්වා ඇදී යමින් තිබුණු අතර වත්මන් ආණ්ඩුව ලංකාවට වඩාත් වාසිදායක ලෙස මෙම සාකච්ඡා අවසන් කරගැනීමට සමත් වී ඇත.
මේ අනුව මේ තෙල් ටැංකි සමූහයේ උපරීම ප්රතිලාබයන් නුදුරේම රටට ලැබීමට නියමිතය.
පසුගිය කාලවකවානු වල මෙම තෙල් ටැංකි සමූහය රටට පවරා ගෙන එය මෙරට තනි ව්යාජාරයක් ලෙස ගොඩනඟන ලෙස විශාල ඉල්ලීම් පැවැතියද මේ විශාල ව්යාපෘතියට අතගැසීම රටට දැරිය හැකි මට්ටමක පැවැතුනේ නැත. විදේශ ආයෝජකයකුගේ සහය අත්යාවශ්ය විය. ඉංදියාව සමඟ වන ඓතිහාසික මිතුදමත් රැකගෙන රටට වාසිදායක කොන්දේසි යටතේ ඉංදියානු ආයෝජනයක් සහිතව මේ තෙල් ටැංකි සමුහයේ විපුල ප්රයෝජනය රටට ලබා ගැනීමට හැකිවීම රටේ ජයග්රහණයකි. එසේම ලංකා ඛනිජ තෙල් සංස්ථාවට පූර්ණ වශයෙන් හිමි ටැංකි 24 ද යළි ප්රතිසංස්කරණය කර එම ව්යාපාර කටයුතු ආරම්භ කිරීම සඳහා වැඩපිළිවෙලක් වෙත යොමු වීමද මේ සමඟම විය යුතුය. ඊට තවත් විදේශ ආයෝජන අවශ්ය නම් ඒ සපුරා ගැනීම විය යුතුය.
කොහොම නමුත් මේ ජාතික සම්පත රටට වැඩදායක කරගැනීම වෙනුවෙන් වත්මන් රජය මෙම ආයෝජන ගිවිසුමට එළැඹීම රටේ අභිවෘද්ධිය වෙනුවෙන් වන දැවැන්තම විදේශීය ආයෝජනය වනු ඇත.
- the novemberist
