පසුගිය කාලයේ ගුරු සහ විදුහල්පති වෘත්තීය සමිති වර්ජන සහ විරෝධතා ක්රියාමාර්ගවලදී ද මෙම සේවාවන් සංවෘත සේවාවක් බවට පත් කරන ලෙසට ඉල්ලීම් ඉදිරිපත් වී තිබුණා.
2021 අගෝස්තු 30 වනදා සිට ක්රියාත්මක වන පරිදි මෙසේ විදුහල්පති, ගුරු උපදේශක සහ ගුරු සේවය සංවෘත සේවාවක් බවට පත් වන බව අදාළ ගැසට් නිවේදනයෙන් සදහන් වනවා. අධ්යාපන අමාත්යාංශ ලේකම් මහාචාර්ය කපිල පෙරේරා මහතාගේ අත්සනින් යුතුවයි අදාළ ගැසට් නිවේදනය නිකුත් කර ඇත්තේ.
පත්කිරීම්, උසස් කිරීම්, විනය, ස්ථාන මාරු සහ අනෙකුත් ආයතන කටයුතු සම්බන්ධයෙන් වන බලතල හා විධිවිධාන ඒ ඒ සේවාවන් සදහා දැනට ක්රියාත්මක අයුරින්ම ඉදිරියටත් බලපැවැත්වෙන බවයි අදාළ ගැසට් නිවේදනයේ සදහන් වන්නේ.
- පංචාලි අබේසේකර
